ASNN – Napoli-Vijareal është njëri prej takimeve më të spikatura të ndeshjeve të kthimit të turit të 32-shes së Ligës së Evropës, që do të sillet për sportdashësit drejtpërdrejt nga Rrjeti i Radio-Televizionit Shqiptar, duke nisur nga ora 21:05.
Veprimtaria e dytë e klubeve të kontinentit, Liga e Evropës, luan sonte ndeshjet e kthimit të turit të saj të 32-shes, prej nga pritet të njihen 16 skluadrat që do të vazhdojnë më tej rrugëtimin për këtë trofe.
Njëri prej takimeve më të spikatur të mbrëmjes është ai që do të luhet në Itali, në Stadiumin “Sao Paolo”, ku Napoli vendas do të përballet me Vijarealin. Spanjollët e kanë fituar takimin e para një jave, me një gol të gol të vetëm, dhe vijnë në takimin e kthimit duke e pranuar edhe barazimin për t’u kualifikuar për më tej.
Ndërsa italianët do të synojnë vetëm fitoren, si mënyrën e vetme për të vazhduar aventurën e tyre në këtë veprimtari kontinentale. Ndeshja Napoli-Vijareal do të sillet për sportdashësit drejtpërdrejt nga Rrjeti i Radio-Televizionit Shqiptar, duke nisur nga ora 21:05.
Midis takimeve të tjera që luhen sonte, spikatin sfidat e kthimit të Totenhem-Fiorentina, Porto-Borusia e Dortmundit, Bazel-Sont Etjenë, Olimpiakos-Anderleht dhe Mançester Junajtid-Midtjylland.
