Të besuarit e Ylli Tomorrit, hera-herës edhe pa u ndjerë, ia kanë dalë të jenë fitues ndaj kryesuesve të kampionatit në një ndeshje ku diferencën e kanë bërë të ardhurit në merkaton e dimrit. Studenti e nis disi turbull ndeshjen, aq sa në pushimin e parë teknik Tirana është në epërsi 6-8. Dhe skuadra nis të reagojë vetëm pas pushimit të parë të Tomorrit në disavantazhin 9-12.

Studenti përmbys në 16-15, 20-17, 24-19. Dhe atëherë kur pritej pika e fundit e setit, Tirana përmbys dhe barazon 24-24. Por vetëm kaq, sepse në shtesë Studenti ka fituar 26-24. Në dy të tjerët, të cilat kanë të njëjtat shifra përfundimtare, 25-22, Studenti ka qenë gjithnjë në udhëheqje të rezultati.

Ndaj dhe në fund ka fituar 3-0. Studenti në 3 sete ka realizuar 76 pikë prej të cilave 63 vetë, kurse 13 pikë kanë ardhur nga gabimet e Tiranës. Në anën tjetër Tirana në tre sete ka pasur 68 pikë prej të cilave 50 pikë i ka realizuar vetë, kurse 18 pikë kanë ardhur nga gabimet e Studentit. E megjithatë dhe kështu kampionët ia kanë dalë të jenë fitues ndaj Tiranës.

Studenti-Tirana është konsideruar kryendeshja e javës së dhjetë të volejbollit të meshkujve. Ndaj dhe në të nuk kanë munguar Presidenti i Federatës Shqiptare të Volejbollit, Erlind Pëllumbi, Sekretari i Përgjithshëm, Albens Vokopola, si dhe anëtari i kryesisë, Dashamir Brari. Po kështu ka qenë edhe Sekretari i Klubit Shumësportësh “Studenti”, Blendi Nallbani, apo dhe Vllaznia e meshkujve, si dhe Tirana e femrave.

Një ndeshje që pati dhe vëmendjen e kamerave, ndërsa është transmetuar direkt nga “TeleSport”-it, megjithëse sipas Nallbanit kontrata me Studentin është prishur nga ana e tyre. E në një farë mënyre Nallbani ka bërë fjalë edhe me kameran e TVSH-së, e cila kishte ardhur për disa xhirime për “E hëna sportive”. Sepse ka kërkuar kontratën. Por gjithsesi mes shumë VIP-ave, Studenti ka bindur në lojën e vet.

Studenti – Tirana      3-0

(26-24, 25-22, 25-22)

Studenti: Tukseferi, Kasa, Troka, Malaj, Vuldjev, Gorenxa (L), Ivanov / Çali, Memia. Trajner: Y. Tomorri

Tirana: Ferhati, Rama, Xhabrahimi, Xhija, Pepa, Kasemi (L), Kula / Batalli, Arapi, Lundra, Baruti. Trajner: I. Koja

Gjyqtarë: E. Zguri, Ko. Gjoka (Tiranë)

Ndihmës: R. Ekmekçiu (Elbasan), A. Nurja (Tiranë)

Kampionati Kombëtar

i Volejbollit – Meshkuj

Java e 10-të

(20 shkurt 2016)

Studenti – Tirana                 3-0

Skënderbeu – Vllaznia       1-3

Elbasani – Farka Volej        2-3

Teuta                                      pushim

Renditja

Nr.       Skuadra         N.        F.         H.        Setet               Pikë

1. Tirana 9          7          2          22-8                21
2. Vllaznia 9          7          2          21-12              20
3. Studenti 8          6          2          20-10              17
4. Teuta 8          5          3          19-14              15
5. Farka Volej 8          4          4          16-14              12
6. Skënderbeu 9          1          8          5-24              3
7. Elbasani 9          0          9          6-27              2