ASNN – Veprimtaria e dytë e futbollit shqiptar, Kupa e Shqipërisë ka luajtur të mërkurën 16 ndeshjet e kthimit të turit të parë të saj, ndeshje që, sikundër pritej, dhuruan festivale golash në shumë fusha, duke zbardhur përfundimisht edhe duelet e turit vijues. Skënderbeu nuk ka pasur pikë mëshire ndaj himarjotëve, duke shënuar po aq gola, dhjetë të tillë, sa në sfidën e parë në Kavajë. Edhe Kukësi ka shënuar një “thes” me gola ndaj Vorës së Kategorisë së Dytë, sikurse ka bërë Flamurtari me kamzalinjtë.
Partizani është kursyer ndaj fushë-krujasve në Kompleksin Stërvitor ku stërvitet, në Pezë, sikurse Vllaznia e ka pasur jo pak të vështirë të kualifikohet përballë Mamurrasit, sepse në kthim ka humbur me shifrat 2-1. Fitorja e sfidës së parë 2-0 ka evituar një turpërim të mundshëm të kuqebluve, që pas divorcit me “GEA Sport” duket se e kanë lëshuar keq veten. Tirana nuk shkon më larg se barazimi 1-1 me librazhdasit në “Selman Stermasi”, por e kishte siguruar kualifikimin që në ndeshjen e parë.
Natyrisht, e papritura e këtij turi ishte Besa, një skuadër e traditës dhe që e ka fituar dy herë këtë trofe, duke bërë “harakiri” në fushën e vet përballë koplikasve, ku ka barazuar, por golat në fushë kundërshtare i japin të drejtë Veleçikut të kalojë në turin e dytë. “In extremis” është kualifikuar edhe Kastrioti ndaj velipojakëve të Adës, që i kanë luajtur të dyja ndeshjet në Krujë.

KUPA E SHQIPËRISË 2014-2015

Ndeshjet e kthimit të turit të parë
(Në kllapa është shënuar rezultati i ndeshjeve të para)

Grupi A

SKËNDERBEU – HIMARA 10-0 (10-1)
Shënues: F. Sefa 2′, Martins 28′, 29′, 32′, Jashanica 36′,
Ribaj 51′, Berisha 62′, Nimaga 71′, Lulaj 78′, Lilaj 80′
Gjyqtarë: E. Demiraj, A. Mema, G. Kamolli

LAÇI – NAFTËTARI 3-1 (2-0)
Shënues: J. Sefa 8′, Xhejms 13′ (11-m.), Sefgjini 50′ / Hima 35′ (11-m.)
Gjyqtarë: I. Myrtja, Gj. Bori, Sh. Ziri

PARTIZANI – ILIRIA FUSHË-KRUJË 2-1 (3-0)
Shënues: Fazlliu 14′, Trashi 37′ (11-m.) / Pasha 16′
Gjyqtarë: R. Sadiku, E. Bodeci, E. Sinanaj

FLAMURTARI – KAMZA 5-0 (0-0)
Shënues: Begaj 26′, A. Shehaj 28′, 45′, 70′, Bregu 72′
Gjyqtarë: O. Yzeiraj, E. Pashaj, N. Rrapaj

BESA – VELEÇIKU 2-2 (0-0)
Shënues: Kuli 3′, 90′(11-m.) / Pepa 12′, Djepaxhia 62′
Gjyqtarë: S. Greca, D. Korreshi, E. Malo

LUSHNJA – BURRELI 1-0 (1-0)
Shënues: Shkoza 50′
Gjyqtarë: M. Dyrmishi, R. Zaimi, A. Konomi

ELBASANI – SHKUMBINI 1-1 (2-2)
Shënues: Dosti 33′ / Dosti 81′(a.g.)
Gjyqtarë: A. Gjeci, R. Shaba, E. Zeqaj

TËRBUNI – TOMORI 1-1 (2-1)
Shënues: Marku 85′ / Dragoti 47′
Gjyqtarë: B. Kaimi, B. Mesi, E. Shehu

Grupi B

KUKËSI – VORA 6-1 (4-1)
Shënues: Allmeta 6′(a.g.), Periç 14′, 16′, 50′, Dosti 30′,
Shameti 61′ / Bleta 51′
Gjyqtarë: K. Prenga, E. Cuni, E. Burgu

TEUTA – BESËLIDHJA 3-2 (2-0)
Shënues: Nika 5′(11-m.), Fall 28′, 35′ / Gruda 2′, Malo 42′(11-m.)
Gjyqtarë: B. Breshani, E. Potomi, F. Mata

TIRANA – SOPOTI 1-1 (3-0)
Shënues: Bakaj 65′ / Bajrami 14′
Gjyqtarë: O. Kuka, E. Morina, D. Tomori

VLLAZNIA – MAMURRASI 1-2 (2-0)
Shënues: Dema 49′ / Fonseka 24′, Mihani 87′
Gjyqtarë: E. Hamiti, R. Çokaj, P. Simoni

KASTRIOTI – ADA E VELIPOJËS 2-1 (1-1)
Shënues: A. Roshi 79′, Zela 87′ / Hoxha 40′
Gjyqtarë: K. Shahini, H. Lisaku, B. Grepi

BYLISI – LUFTËTARI 3-1 (1-2)
Shënues: Dervishi 19′, Hoxha 25′, Mustafaj 87′
Gjyqtarë: A. Paco, O. Grabova, E. Begaj

APOLONIA – DINAMO 4-0 (4-0)
Shënues: Rajkovic 8′, 90′, Canka 15′, A. Prifti 43′
Gjyqtarë: H. Llapra, R. Malaj, T. Kasa

BUTRINTI – POGRADECI 0-0 (0-2)
Gjyqtarë: E. Halo, P. Puto, G. Bimi

Kupa e Shqipërisë
Shorti i turit të dytë

Grupi A:
TËRBUNI – SKËNDERBEU
ELBASANI – LAÇI
LUSHNJA – PARTIZANI
VELEÇIKU – FLAMURTARI

Grupi B:
POGRADECI – KUKËSI
APOLONIA – TEUTA
BYLIS – TIRANA
KASTRIOTI – VLLAZNIA