ASNN – Edhe në grupin B të Kategorisë së Parë, ka ndryshuar gjendja e skuadrave, pasi edhe Dinamos i janë zbritur 3 pikë nga ana e FIFA-s, për mospërmbushje të detyrimeve kontraktore me një ish-lojtar.
Megjithatë, blutë kryeqytetas janë tanimë në kuotën e 13 pikëve dhe të shtunën kanë qenë mysafirë në Sarandë, për t’u ndeshur me Butrintin vendas, një tjetër skuadër në krizë.
Sarandiotët kanë fituar me një gol të vetëm ndaj bluve kryeqytetas, të cilët zbresin në renditje, por ndërsa një tjetër skuadër të po vuan, Elbasani, ka pritur në fushën e vet Apoloninë, e cila ka fituar me rezultatin e thellë 5-2 dhe ngjitet në vendin e dytë
Ndërkaq, kryesuesja e renditjes, Luftëtari, është ndeshur në Lushnjë me skuadrën vendase. Vendimtar për gjirokastritët ishte portieri Miraka që neutralizoi 11-metërshin e e Xhafës, ndërsa Bregu në shtesë realizoi golin e triumfit.
Me suksesin 0-1 në fushën e Lushnjes, Luftëtari konsolidon kreun e Grupit B me 35 pikë. Edhe derbi i prefekturës, Turbina-Sopoti, pritej i ashpër dhe është fituar nga vendasit me një gol të vetëm.
Po kështu, premtonte rivalitet edhe sfida Shkumbini-Pogradeci, që u fitua nga peqinasit me rezultatin 2-0.
Kategoria e Parë
Grupi B
Java e 14-të
(13 shkurt 2016)
Elbasani – Apolonia 2-5
Lushnja – Luftëtari 0-1
Turbina – Sopoti 1-0
Butrinti – Dinamo 1-0
Shkumbini – Pogradeci 2-0
Renditja
Nr. Skuadra N. F. B. H. Gsh-Gp Pikë
- Luftëtari 14 11 2 1 29-5 35
- Apolonia 14 10 1 3 31-13 31
- Pogradeci 14 9 2 3 19-10 29
- Sopoti Librazhd 14 6 2 6 19-14 20
- Lushnja 14 5 3 6 14-13 18
- Turbina Cërrik 14 4 3 7 13-24 15
- Butrinti Sarandë 14 4 2 8 9-21 14
- Shkumbini 14 4 2 8 10-25 14
- Dinamo 14 5 1 8 11-13 13*
- Elbasani 14 2 2 10 10-25 8
* Dinamos i janë hequr 3 pikë nga FIFA
