Ashtu sikurse ishte lajmëruar edhe ditë më parë, krosi kombëtar, që shënon edhe veprimtarinë e dytë kombëtare të “mbretëreshës shqiptare të sporteve”, do të zhvillohet të hënën në Kodrat e Liqenit në Tiranë.

Ka ndodhur kështu, sepse të dielën, për tre orë, vjen në vizitë në kryeqytetin shqiptar Sekretari amerikan i shtetit, Xhon Kerri, dhe, për rrjedhojë, gjithçka në perimetrin e vizitës, është e pezulluar.

Federata Shqiptare e Atletikës i ka kërkuar klubeve që pesë ditë përpara veprimtarisë të dërgojnë listën e federimit, ndërsa pjesëmarrësit në gara do të kenë edhe numrin përkatës.

E pas krosit kombëtar, atletika pritet të jetë e përqendruar në veprimtaritë ndërkombëtare.

Programi i garave të Krosit Kombëtar:

4 kilometra të reja               ora 12:00

6 kilometra të rinj                ora 12:30

8 kilometra të rritura           ora 13:00

10 kilometra të rritur             ora 13:30