ASNN – Kategoria Superiore e Kampionatit Kombëtar të Futbollit, e cila ka luajtur dje dy takimet e para, vijon sot me 3 takimet e tjera të javës së saj të 20-të.
Të shtunën, Partizani ka vuajtur deri në fund, për të marrë një barazim 1-1 në kryeqytet përballë Flamurtarit, në takimin e sjellë për sportdashësit drejtpërdrejt nga Rrjeti i Radio-Televizionit Shqiptar.
Ylli Hoxha i kaloi vlonjatët në epërsi në minutat e fundit të pjesës së parë dhe, ndonëse e luajti shumicën e pjesës së dytë me 10 lojtarë, Flamurtari mori një pikë të vlefshme në kryeqytet përballë të kuqve.
Më herët, Bylisi mundi në fushën e vet Tërbunin, me rezultatin e thellë 4-0. Ndërsa sot zhvillohen 3 takimet e tjera dhe, në takimet që nisin të luhen në ora 13:00, Skënderbeu do të përballet në Korçë me Kukësin.
Ndërsa Tirana është mysafire në Laç, ku po ndeshet me skuadrën vendase. Takimi i fundit i kësaj jave është ai i orës 16:00, midis Teutës dhe Vllaznisë.
