ASNN – Niveli i dytë i Kampionatit Kombëtar të Futbollit, që njihet si Kategoria e Parë, nis të shtunën gjysmën e dytë të sezonit me ndeshjet e javës së 14-të në të dy grupet e tij. Në grupin A, apo grupin e Veriut, gjendja ka ndryshuar në renditje pak ditë më parë, ende pa u luajtur asnjë ndeshje, pasi Kastriotit kryesues deri dje, i janë zbritur 3 pikë nga ana e FIFA-s, për mospërmbushje të detyrimeve kontraktore me një ish-lojtar.

Në takimet e javës së 14-të, spikat sfida e skajeve midis Besëlidhjes tanimë kryesuese dhe Mamurrasit të vendit të fundit, ndërsa një tjetër sfidë të kundërtash është edhe ajo midis Burrelit dhe Korabit. Kastrioti do të synojë t’i rikuperojë sa më shpejt pikët e humbura, kur të presë në fishën e vet Adën e Velipojës. Ndërkaq, edhe në grupin B ka ndryshuar gjendja e skuadrave, pasi edhe Dinamos i janë zbritur 3 pikë nga ana e FIFA-s, për mospërmbushje të detyrimeve kontraktore me një ish-lojtar.

Megjithatë, blutë kryeqytetas e ruajnë renditjen, por janë tanimë në kuotën e 13 pikëve dhe të shtunën janë mysafirë në Sarandë, për t’u ndeshur me Butrintin vendas, një tjetër skuadër në krizë. Një tjetër skuadër të po vuan, Elbasani, pret në fushën e vet Apoloninë, ndërsa kryesuesja e renditje, Luftëtari, ndeshet në Lushnje me skuadrën vendas. Edhe derbi i prefekturës, Turbina-Sopoti pritet i ashpër, ashtu siç premton rivalitet edhe sfida Shkumbini-Pogradeci.

Grupi A

Java e 14-të

(6 shkurt 2016)

Mamurrasi – Besëlidhja

Besa – Iliria Fushë-Krujë

Erzeni – Kamza

Kastrioti – Ada Velipojë

Burreli – Korabi

Renditja

Nr.       Skuadra                     N.        F.         B.        H.        Gsh-Gp          Pikë

1. Besëlidhja 13        9          2          2          26-11              29
2. Korabi Peshkopi 13        9          1          3          19-6                28
3. Kastrioti Krujë 13        9          3          1          27-11              27*
4. Erzeni Shijak 13        7          1          5          19-12              22
5. Besa 13        5          3          5          17-16              18
6. Kamza 13        4          4          5          12-16              16
7. Iliria Fushë-Krujë 13        5          1          7          19-20              16
8. Burreli 13        3          3          7          11-20              12
9. Ada Velipojë 13        1          5          7          12-28              8
10. Mamurrasi 13        0          3          10        6-28              3

* Kastriotit i janë hequr 3 pikë nga FIFA

Grupi B

Java e 14-të

(6 shkurt 2016)

Elbasani – Apolonia

Lushnja – Luftëtari

Turbina – Sopoti

Butrinti – Dinamo

Shkumbini – Pogradeci

Renditja

Nr.       Skuadra                     N.        F.         B.        H.        Gsh-Gp          Pikë

1. Luftëtari 13        10        2          1          28-5                32
2. Pogradeci 13        9        2          2          19-8                29
3. Apolonia 13        9        1          3          26-11              28
4. Sopoti Librazhd 13        6        2          5          19-13              20
5. Lushnja 13        5        3          5          14-12              18
6. Dinamo 13        5        1          7          11-12              13*
7. Turbina Cërrik 13        3        3          7          12-24              12
8. Butrinti Sarandë 13        3        2          8          8-21              11
9. Shkumbini 13        3        2          8          8-25              11
10. Elbasani 13        2        2          9          8-22              8

* Dinamos i janë hequr 3 pikë nga FIFA