Është pritur më me entuziazëm nisja e kampionatit të moshës 16 vjeç, atje ku janë 18 ekipe për djem dhe 5 për vajza. Garat kanë nisur të shtunën për të përfunduar të dielën. Real Basket në grupin A me atë fitore 59-47 ndaj Superior Basket duket sikur ka qenë ngushëllim për atë humbje të thellë të të rinjve. Por “bomba” e javës ka ardhur nga Sonia Basket, e cila duke fituar me 50 pikë diferencë ndaj Qendrës së Minibasketit Tirana, duket se ka hedhur që tani kandidaturën për “kampion”.

Në një shënim të trajnerit të kësaj skuadre, Andrea Troja, në profilin e vet në rrjetin social “Facebook” thuhet: “Sonia Basket ka filluar ndeshjet në grupin A për moshën deri në 16 vjeç, ndërsa në javën e parë luajti në sallën kryesore të Pallatit të Sportit “Asllan Rusi” me QMB Tirana dhe fitoi 72-22. Djemtë luajtën që të gjithë, një pjesë pak më shumë. I dua shumë, janë të thjeshtë e të edukuar. I falënderoj të gjithë për kohën që harxhojnë duke luajtur basketboll.”

“Admiroj kapitenin e skuadrës, Griseldin, me 30 pikë të realizuara, Kristi Njebza me 13 pikë, Xhordanon me 9 pikë, Xhoni me 8 pikë, Andi me 6 pikë, Elvisi me 4 pikë, A. Lika me 2 pikë, – ka vijuar trajneri veteran. – Urime djemve për këtë fitore të parë”. Një shenjë inkurajimi, por dhe emancipimi në lidhjen e ngushtë trajner-lojtar. Sakaq ndeshja më interesante duket se ka qenë Marsi Basket-Vllaznia e zgjidhur në momentet e fundit në favor të vendës.

Në grupin B e kanë nisur mbarë kampionatin Ardhmëria Basket, Apolonia dhe Kamza Basket. Sikurse të njëjtën gjë kanë bërë në grupin C edhe Invaders, Pogradeci dhe Superior Klima.

Kampionati Kombëtar

i Basketbollit – Nën-16-vjeçarët

Grupi A

Java e parë

(31 janar 2016)

Marsi Basket – Vllaznia                  33-30

Sonia Basket – QMB Tirana          72-22

Superior Basket – Real Basket     47-59

Goga Basket 1                                  pushim

Renditja

Nr.       Skuadra                     N.        F.         H.        Psh-Pp           Pikë

1. Sonia Basket             1          1          0          72-22              2
2. Real Basket             1          1          0          59-47              2
3. Marsi Basket 1          1          0          33-30              2
4. Vllaznia 1          0          1          30-33              1
5. Superior Basket 1          0          1          47-59              1
6. QMB Tirana 1          0          1          22-72              1
7. Goga Basket 1 0          0          0          0-0                0

Grupi B

Java e parë

(31 janar 2016)

Partizani – Ardhmëria Basket        48-76

Apolonia – Olimpik Basket             48-31

Goga Basket 2 – Kamza Basket    32-70

Renditja

Nr.       Skuadra                     N.        F.         H.        Psh-Pp           Pikë

1. Kamza Basket 1          1          0          70-32              2
2. Ardhmëria Basket 1          1          0          76-48              2
3. Apolonia 1          1          0          48-31              2
4. Olimpik Basket 1          0          1          31-48              1
5. Partizani             1          0          1          48-76              1
6. Goga Basket 2 1          0          1          32-70              1

Grupi C

Java e parë

(31 janar 2016)

Invaders – Horizonti Basket           52-19

Pogradeci – Teuta                           65-50

Superior Klima – Tirana                  64-38

Renditja

Nr.       Skuadra                     N.        F.         H.        Psh-Pp           Pikë

1. Invaders 1          1          0          52-19              2
2. Superior Klima 1          1          0          64-38              2
3. Pogradeci 1          1          0          65-50              2
4. Teuta 1          0          1          50-65              1
5. Tirana             1          0          1          38-64              1
6. Horizonti Basket 1          0          1          19-52              1