Shqipëria e volejbollit meshkuj dhe femra, pas gati tre vjetësh mungesë në arenën ndërkombëtare, më së fundi do të jetë në aktivitet. Ky ka qenë dhe përfundimi i mbledhjes së djeshme të zhvilluar në Federatën Evropiane të Volejbollit në Luksemburg, atje ku ka marrë pjesë presidenti i institucionit më të lartë të rrjetës shqiptare, Erlind Pëllumbi.
Në mbledhje, e cila është drejtuar nga presidenti i Federatës Evropiane të Volejbollit, Aleksandar Boriçiç, kanë marrë pjesë të gjithë përfaqësuesit që janë pjesëmarrës në Ligën e Evropës. Liga e Evropës e vitit 2016 do të ketë 8 ekipe meshkuj dhe 12 femra, të cilat do të kërkojnë të fitojnë këtë trofe, që vitin e kaluar e kanë marrë Sllovenia dhe Hungaria.
Tashmë ka ndryshuar dhe skema e ndeshjeve duke e shmangur lojën me vajtje-ardhje, ndërsa gjithçka është zëvendësuar me faktin e një turi, me sistem grumbullimi. Nuk duhet harruar që formati ka qenë i njëjtë si Liga e Botës në volejboll për meshkuj, që luhej me dy ndeshje në shtëpi dhe dy ndeshje në fushë të huaj. Dhe fituesit e Ligës së Evropës do të jenë kandidat për të qenë më 2017-ën në Ligën e Botës për meshkuj dhe Çmimin e Madh për femra.
Liga e Evropës
Volejboll – Meshkuj
Grupi A
(10-12 qershor në Bullgari,
17-19 qershor në Maqedoni)
Nr. Ekipi
- Bullgaria
- Maqedonia
- Danimarka
- Shqipëria
Liga e Evropës
Volejboll – Femra
Grupi A
(3-5 qershor në Poloni,
17-19 qershor në Shqipëri)
Nr. Ekipi
- Polonia
- Bjellorusia
- Sllovakia
- Shqipëria
