ASNN – Edhe niveli i dytë i Kampionati Kombëtar të Volejbollit për Femra, që njihet si grupi A2, ka luajtur ndeshjet e javës së parë të tij dhe, siç dihet në këtë sezon marrin pjesë 6 skuadra.

Në një duel “ish”-ësh, Minatori dikur kampion i Shqipërisë, ka mundur në 5 sete legjendën e rikthyer të volejbollit shqiptar të femrave, Dinamon. Ndërkohë, Apolonia ka triumfuar në 3 sete ndaj Vlorës.

Kruse femrat e Elbasanit në volejboll kanë mundur pastër 3-0 ato të Korabit, duke treguar një nivel të lartë loje se dibranet. Për asnjë moment, elbasanaset nuk e kanë vënë në diskutim fitoren dhe kanë bërë një paraqitje mjaft të mirë.

Seti i parë u mbyll në favor të tyre në shifrat 25-17, ashtu sikurse edhe i dyti, kësaj here në shifrat 25-23. Edhe në të tretin nuk pati shumë për të shënuar, sepse nuk u vu në diskutim fitorja e vendasve, që triumfuan 25-18 dhe morën të gjithë ndeshjen 3-0.

Kampionati Kombëtar

i Volejbollit – Femra

Grupi A2

Java e parë

(18 tetor 2014)

Elbasani – Korabi                3-0

Minatori – Dinamo               3-2

Vlora – Apolonia                  0-3

Renditja

Nr.       Skuadra         N.        F.         H.        Setet               Pikë

1. Apolonia 1          1          0          3-0                  3
2. Elbasani 1          1          0          3-0                  3
3. Minatori 1          1          0          3-2                  2
4. Dinamo 1          0          1          2-3                  1
5. Korabi 1          0          1          0-3                  0
6. Vlora 1          0          1          0-3                  0