ASNN – Talenti shqiptar Eros Grezda e mbylli këtë vit duke shënuar me Lokomotivën e Zagrebit në Kroaci. Mesfushori realizoi një gol në fitoren 3-0 në fushën e Sllaven Belupos.
Ky është goli i pestë sezonal për 20-vjeçarin, i cili u transferua këtë sezon te Lokomotiva e Zagrebit, ku luan edhe një tjetër shqiptar, mbrojtësi i talentuar Herdi Prenga.
Lokomotiva e Zagrebit e mbylli 2015 në vendin e pestë në kuotën e 30 pikëve. Synimi i këtij ekipi është pjesëmarrja në veprimtarinë e dytë të klubeve të kontinentit, Ligën e Evropës.
