Studenti është finalisti i dytë nga grupi A i fazës çerekfinale të Kupës së Shqipërisë në volejboll për meshkuj, por mes shumë debatesh. Sepse vendimet e gjyqtares Rudina Omari dhe Konals Gjokës janë diskutuar nga të dy palët, të cilët nuk kanë pranuar vendimet e dhëna duke vënë në dyshim atë që akordohej.

Studenti e ka nisur mirë ndeshjen, ndërsa në setin e parë është shkëputur në 1-6, 3-8, 13-16, 16-20 dhe në fund 18-25. E njëjta gjë edhe në setin e dytë 2-8, 11-16, 12-18. Këtu Bardhi ka kërkuar pushim, ndërsa shkundja e tij duket se i ka ftilluar lojtarët e Farkës, të cilët kanë arritur të ngushtojnë 18-23 dhe 19-24.

Por vetëm kaq, sepse Studenti e ka fituar setin 19-25. Dhe atëherë kur pritej fitorja e thellë e Studentit 3-0, Farka Voleji ka kthyer, ndërsa në setin e tretë ka udhëhequr gjatë gjithë kohës; 8-3, 10-5, 14-12, 16-13, 17-13, 19-15 dhe në fund 25-23. Seti i katërt s’ka më mëdyshje.

Kjo, sepse Studenti e ka fituar 21-25 dhe krejt ndeshjen 3-1 duke qenë së bashku me Vllazninë finaliste. Pikëshënuesi më i mirë i ndeshjes Memia i Studentit me 28 pikë i ndjekur nga Koçi i Farka Volejit me 23 pikë. Në bllok ka dalë fitues Bajrami i Farka Volejit me 7 mure fituese i ndjekur nga Malaj i Studentit me katër mure fituese.

Kurse në shërbim Çali i Studentit me 4 të sakta. Në total, në 4 sete Farka Voleji ka realizuar 83 pikë prej të cilave 73 pikë vetë, kurse dhjetë pikë kanë ardhur nga gabimet e Studentit. Në krahun tjetër Studenti në katër sete kishte 98 pikë prej të cilave 79 pikë i ka shënuar vetë, kurse 19 pikë kanë ardhur nga gabimet e Farka Volejit.

Farka Volej – Studenti         1-3

(18-25, 19-25, 25-23, 21-25)

Farka Volej: Deliu, Metani, Bërdufi (L), Koçi, Qepa, Nimani, Bajrami / Vllaçaj, Xhajkone. Trajner: D. Bardhi

Studenti: Çali, Qerraxhija, Kono, L. Martiro, K. Martiro, Malaj, Gorenxa (L) / Memia, Muça (L), Tukseferi, Kasa, Sotiri. Trajner: Y. Tomorri

Gjyqtarë: R. Omari, Ko. Gjoka (Tiranë)

Ndihmës: A. Brokaj, A. Nurja (Tiranë)

Kupa e Shqipërisë

Volejboll – Meshkuj

Kalendari i fazës çerekfinale

Grupi A

(“Asllan Rusi” – Tiranë)

Të martën:

Vllaznia – Farka Volej         3-0

Studenti                                 pushim

Të mërkurën:

Studenti – Vllaznia              2-3

Farka Volej                            pushim

Të enjten:

Farka Volej – Studenti        3-1

Vllaznia                                 pushim

Renditja

Nr.       Skuadra         N.        F.         H.        Setet               Pikë

1. Vllaznia 2          2          0          6-2                  5
2. Studenti 2          1          1          5-4                  4
3. Farka Voleji 2          0          1          0-3                  0