Vllaznia tashmë është skuadra e parë e kualifikuar për në turin gjysmëfinal të Kupës së Shqipërisë në grupin A. Të besuarit e Artan Kalasë jo vetëm që ia kanë marrë dorën Studentit, është hera e dytë që e mundin në Tiranë skuadrën e Ylli Tomorrit (1-3 në kampionat dhe 2-3 në Kupën e Shqipërisë), por kanë demonstruar edhe një herë formën e mirë sportive që disponojnë.

Edhe pse ndeshja është transmetuar direkt nga Televizioni Shqiptar në kanalin e dytë, apo dhe në atë që është vetëm për sport në platformën dixhitale, ajo që duhet thënë është se është luajtur në një ambient krejtësisht të papërshtatshëm. Është një ngricë, apo acar, ndërsa temperatura ka lëvizur nga 4-5 gradë celsius, që nuk është normale për volejbollistët e të gjithë të pranishmit që ishin në “Asllan Rusi”.

Mjafton të kujtosh që kapiteni i Studentit, por njëkohësisht zëvendëstrajneri i kësaj skuadre, Elton Tukseferi, në çdo fillim seti vishte dorezat për të ngrohur duart. Pra vazhdojmë të bëjmë lojëra me dorë në kushte aspak normale. Sa i takon ndeshjet Vllaznia e ka nisur mirë, ndërsa ka marrë setin e parë 22-25. Edhe në të dytin është gjatë gjithë kohës në udhëheqje të rezultatit derisa e ka marrë setin 20-25.

Ka dhe momente debati me gjyqtarët pasojë e së cilës është edhe kartoni i verdhë për Çekinin e Vllaznisë. Dhe atëherë kur pritej që të ishte një fitore e shpejtë dhe e thellë e Vllaznisë, Studenti përmbys. 25-23 dhe 25-18 dhe 2-2. Në finale më pas Vllaznia nuk toleron më, por fiton 15-10 dhe të gjithë ndeshjen 3-2. Që do të thotë se shkodranët e kanë kaluar fazën e grupeve, kurse ndeshja e sotme Farka Volej-Studenti ndan “shapin” nga “sheqeri” për të kualifikuarin e dytë nga ky grup në “Asllan Rusi”.

Studenti – Vllaznia 2-3

(22-25, 20-25, 25-23, 25-18, 10-15)

Kupa e Shqipërisë

Volejboll – Meshkuj

Kalendari i fazës çerekfinale

Grupi A

(“Asllan Rusi” – Tiranë)

Të martën:

Vllaznia – Farka Volej         3-0

Studenti                                 pushim

Të mërkurën:

Studenti – Vllaznia              2-3

Farka Volej                            pushim

Të enjten:

Farka Volej – Studenti        ora 19:00

Vllaznia                                 pushim

Renditja

Nr.       Skuadra         N.        F.         H.        Setet               Pikë

1. Vllaznia 2          2          0          6-2                  5
2. Studenti 2          0          2          2-3                  1
3. Farka Voleji 1          0          1          0-3                  0