ASNN – Janë luajtur dje ndeshjet e dyta në grupe të fazës çerekfinale të Kupës së Shqipërisë në Volejboll për Femra dhe Barleti Volej, jo vetëm kampione në fuqi e volejbollit të femrave, por dhe fituese në fuqi e Kupës së Shqipërisë, e ka hipotekuar që tani kalimin për në fazën gjysmëfinale. Sepse ka mundur në ndeshjen direkte rivalin kryesore, Teutën, pastër 3-0.

Kjo do të thotë se Teuta tashmë e ka lënë për ndeshjen e fundit ndaj Elbasanit kalimin në gjysmëfinale. Ndërkohë Skënderbeu ka arritur të fitojë me Elbasanit, që duket se është kthyer në “tabelë qitjeje” për grupin A. Takimet e treta luhen sot dhe, ndërsa ndeshja Barleti Volej-Skënderbeu vlen thjesht për kalendar, ajo Teuta-Elbasani vlen për vendin në gjysmëfinale.

Ndërkohë, në grupin B, Tirana ka fituar në 3 sete në derbin ndaj Partizanit, në një ndeshje pa histori. Mjafton të përmendesh 12 shërbimet e Klonarda Nezajt të kthyer me pikë, tetë në setin e parë dhe katër në të dytin, dhe kuptohen diferencat e mëdha mes dy skuadrave. Një ndeshje që ka përfunduar për 50 minuta dhe pas të cilës Tirana e sheh veten në gjysmëfinale.

Po kështu, edhe Vllaznia e volejbollit të femrave e ka fituar edhe ndeshjen e saj të dytë në Kupën e Shqipërisë dhe nga grupi B, së bashku me Tiranën, është në gjysmëfinale. Por e djeshmja ka qenë një ndeshje për t’u harruar për shkodranet, që duket pasi kishin fituar me Partizanin e kishin shkallën e euforisë në maksimum. Në përfundim 3-0 për Vllazninë dhe kualifikim historik për vajzat shkodrane për në gjysmëfinale të Kupës.

Kupa e Shqipërisë

Volejboll – Femra

Kalendari i fazës çerekfinale

Grupi A

(“Ramazan Njala” – Durrës)

Të martën:

Barleti Volej – Elbasani      3-0

Teuta – Skënderbeu           3-0

Të mërkurën:

Elbasani – Skënderbeu      0-3

Barleti Volej – Teuta            3-0

Të enjten:

Skënderbeu – Barleti Volej            ora 16:00

Teuta – Elbasani                  ora 18:00

Renditja

Nr.       Skuadra         N.        F.         H.        Setet               Pikë

1. Barleti Volej 2          2          0          6-0                  6
2. Teuta 2          1          1          3-3                  3
3. Skënderbeu 2          1          1          3-3                  3
4. Elbasani 2          0          2          0-6                  0

Grupi B

(“Fahrie Hoti” – Tiranë)

Të martën:

Tirana – Flamurtari              3-0

Partizani – Vllaznia             1-3

Të mërkurën:

Tirana – Partizani                3-0

Flamurtari – Vllaznia           0-3

Të enjten:

Partizani – Flamurtari          ora 16:00

Vllaznia – Tirana                  ora 18:00

Renditja

Nr.       Skuadra         N.        F.         H.        Setet               Pikë

1. Tirana 2          2          0          6-0                  6
2. Vllaznia 2          2          0          6-1                  6
3. Partizani 2          0          2          1-6                  0
4. Flamurtari 2          0          2          0-6                  0