Studenti ka arritur një fitore të lehtë dje në mesditë në Pallatin e Sportit “Tamara Nikolla”. Edhe pse temperaturat kanë qenë rreth zero gradë duhet theksuar se kryeqytetasit i kanë dominuar të tre setet dhe e kanë merituar këtë fitore. Seti i parë i ndeshjes ka nisur mirë për miqtë që kryesojnë 5-10.
Më pas vendasit përpiqen, por diferenca mbetet e njëjtë 14-21 dhe në fund të setit tabela shënon 17-25 për Studentin. Seti i dytë i ndeshjes është edhe më i lehtë për djemtë e trajnerit Ylli Tomori. 0-4 qysh në nisje, ndërkohë që Skënderbeu pikën e parë shënon në shifrat 1-11.
Deri në fund të setit të dytë korçarët nuk arrijnë të shënojnë më shumë se 10 pikë kundrejt 25 të Studentit. I treti dhe i fundit i ndeshjes duhet thënë se ka pasur pak rivalitet deri te pika e 17-të. Por më pas nis shkëputja e Studentit, që fiton 15-25 dhe krejt ndeshjen 3-0.
Në këtë mënyrë Skënderbeu pëson një tjetër humbje dhe nuk i bën dot ballë kryeqytetasve.
Skënderbeu – Studenti 0-3
(17-25, 10-25, 15-25)
Skënderbeu: Haxhillari, Beqiraj, Musaka, Drinasi, Caci, Pira / Shishi (L), Sejati, Ndardhari, Dhimitri, Jatagani. Trajner: A. Prifti
Studenti: K. Martiro, Tukseferi, Kasa, Malaj, L.Martiro, Qerraxhija, Gorenxa (L) / Muça (L), Memia, Kono, Cali, Sotir. Trajner: Y. Tomori
Gjyqtarë: E. Zenullari, E. Pishtari (Tiranë)
Kampionati Kombëtar
i Volejbollit – Meshkuj
Java e 7-të
(12 dhjetor 2015)
Farka Volej – Tirana 0-3
Elbasani – Teuta 2-3
Skënderbeu – Studenti 0-3
Vllaznia pushim
Renditja
Nr. Skuadra N. F. H. Setet Pikë
- Tirana 6 5 1 16-5 15
- Studenti 6 4 2 14-8 12
- Teuta 6 4 2 14-11 11
- Farka Volej 6 3 3 12-9 10
- Vllaznia 6 4 2 12-10 10
- Skënderbeu 6 1 5 4-15 3
- Elbasani 6 0 6 4-18 1
