ASNN – Duke iu kthyer kampionatit italian, sipas Karlo Ançelotit, Juventusi “mund ta fitojë akoma titullin “kampion”, gjithçka mund të ndodhë; shumë skuadra janë të përfshira, shumë kanë ulur kuotat e tyre, pra dhe nisja me disavantazh e bardhezinjve mund të jetë e rastësishme. Mund të kthehet protagoniste, ndaj edhe është atje. Alegri jashtë podiumit për “Topin e Artë” të trajnerëve?”

“Janë votime subjektive, në një farë mënyre do ta kishte merituar të ishte atje për sezonin e kaluar që ka bërë me këtë skuadër, e cila është ende për t’u kujtuar”, – shton ai. Roma? “Nuk ka gjetur akoma ekuilibrat mes mundësive të mëdha sulmuese dhe një farë parregullsie në mbrojtje. Duhet të punojë mbi të gjitha në këtë pikë”. Kjo është këshilla e Ançelotit, që kthehet përsëri tek shkarkimi i tij nga Reali i Madridit.

“Më ka ardhur keq, sepse kishim raporte të mira me skuadrën, që sipas meje ka ende për të dhënë, – vijon trajneri i mirënjohur. – E prisja vështirësinë e Benitezit, sepse Real Madrid është kështu; duhet gjithmonë të mendosh për të fituar dhe ambienti të vë nën presion. Nuk janë të duruar tifozët, nuk është vetëm klubi dhe shtypi, por gjithçka nis nga presidenti.”