ASNN – Hamdi Salihi mund të ndryshojë ekip në janar. Mediat azerbajxhanase shkruajnë se Karabaku, skuadra në radhët e të cilit militon edhe mbrojtësi Ansi Agolli, e ka piketuar sulmuesin shqiptar.
Sipas Sportinfo.az, një ofertë e kënaqshme do ta bindte futbollistin e Skënderbeut, që po kalon një formë të mirë në kampionatin shqiptar. Hamdi Salihi ndihmoi kampionët e Shqipërisë të kualifikohen për herë të parë në fazën e grupeve të Ligës së Evropës.
Hamdi Salihi gjatë karrierës së tij ka luajtur në shumë kampionate, përfshi atë amerikan dhe kinez, ndërsa pritet ta pasurojë edhe më tej këtë gjeografi nëse zhvendoset në Azerbajxhan.
