Ardhmëria Basket e ka fituar kryendeshjen e kësaj jave në Kategorinë e Parë të Kampionatit Kombëtar në Basketboll për Meshkuj, teksa ka mundur Superior Klimën, 47-61, në Pallatin e Sportit “Asllan Rusi” në kryeqytet. Konsolidim i vendit të parë për djemtë e Afrim Bilalit, të cilët në pushim të dy pjesëve, pasi kishin fituar 14-16 dhe 8-15, kanë shkuar në dhomat e zhveshjes me epërsinë 22-31.

Ndërkohë Superior Klima ka hyrë me tjetër mentalitet në lojë. Me trepikëshat e Shehit, por dhe saktësinë e të tjerëve, Superiori kthen në 36-34. Mirëpo Ardhmëria nuk dorëzohet barazon dhe më pas kalon në epërsi 36-39. Dhe arrin që në fund të pjesës së tretë, të cilën në fakt e ka fituar Superior Klima 16-10, të jetë me një epërsi prej tre pikësh, 38-41.

Në pjesën e katërt, Ardhmëria Basket është më e saktë në lojë, ndërsa fiton thellë, 20-9 dhe krejt ndeshjen me rezultatin e përgjithshëm 61-47. Drejtuesit e Superior Klimës jo pak kanë pasur ankesa për gjykimin e Hoxhës dhe Harasanit, që sidoqoftë, i pari kandidat për ndërkombëtar dhe i dyti gjyqtar me përvojë në basketbollin shqiptar, janë ndër “bilbilat” më të mirë të koshit shqiptar.

Superior Klima – Ardhmëria Basket          47-61

(14-16, 8-15, 16-10, 9-20)

Kampionati Kombëtar

i Basketbollit – Meshkuj

Kategoria e Parë

Java e 9-të

(5-6 dhjetor 2015)

Të shtunën:

Superior Klima – Ardhmëria Basket         47-61

Të dielën:

Tirana Eagles – Elbasani                           ora 14:00

Skënderbeu                                                  pushim

Renditja

Nr.       Skuadra                     N.        F.         H.        Psh-Pp           Pikë

1. Ardhmëria Basket 7          7          0          498-289         14
2. Superior Klima 8          5          3          558-430         13
3. Elbasani             6          4          2          466-378         10
4. Skënderbeu             7          1          6          355-469         8
5. Tirana Eagles 6          0          6          263-447         6