ASNN – Tetë javë, tetë fitore dhe duket se këtë Flamurtar s’e ndal dot askush. Flamurtari në basketboll për femra vijon ta dominojë kampionatin, ndërsa dje ka kaluar edhe një pengesë të vështirë, që është Goga Basket. Ndeshja ka dhuruar shumë emocione dhe fitorja për Flamurtarin nuk ka qenë shumë e lehtë.
Një ndeshje në të cilën kanë qenë në epërsi të dy ekipet, por në fund Flamurtari ka dalë fitues. Flamurtari kërkon të shkëputet që në fillim, ndërsa e ka fituar pjesën e parë 25-17. Por krejt tjetër gjë kanë qënë 10 minutat e dyta, sepse Goga Basket luan shumë mirë dhe arrin që pjesën e dytë ta fitojë 19-4 dhe të shkojë në pushim me epërsinë 36-29. Në dy pjesët e tjera ndeshja është më emocionuese.
Flamurtari është më tjetër ritëm në parket dhe arrin ta ngushtojë rezultatin në 50-47. Vajzat kuqezi luajnë më mirë në pjesën e katërt. E fitojnë atë 20-12 dhe krejt ndeshjen 67-62. Të dyja këto ekipe do të luajnë sërish bashkë ditën e mërkurë, po në Vlorë, por këtë herë për Kupën e Shqipërisë.
Flamurtari – Goga Basket 67-62
(25-17, 4-19, 18-14, 20-12)
Flamurtari: Myrto, Zykaj, Kostallari, Rrapaj, Bleta / K. Hasanaj, Lloi, Plasa, Palko, Hysaj, D. Hasanaj, Kasaj. Trajner: V. Toska
Goga Basket: Përmeti, Baraj, Xhanaj, Memushi, Qypi / Ustalli, Dishnica, Mehmeti, Kumi. Trajner: A. Greva
Gjyqtarë: E. Allaraj (Tiranë), H. Trajer (Shkodër)
Kampionati Kombëtar
i Basketbollit – Femra
Java e 9-të
(3-5 dhjetor 2015)
Të enjten:
Kamza Basket – Tirana 51-62
Të shtunën:
Flamurtari – Goga Basket 67-62
Vllaznia – Studenti 72-40
Skënderbeu – Elbasani 85-52
Renditja
Nr. Skuadra N. F. H. Psh-Pp Pikë
- Flamurtari 8 8 0 622-467 16
- Goga Basket 8 6 2 572-488 14
- Tirana 8 6 2 574-519 14
- Vllaznia 8 4 4 532-508 12
- Skënderbeu 8 4 4 563-553 12
- Studenti 8 3 5 451-558 11
- Kamza Basket 8 1 7 373-450 9
- Elbasani 8 0 8 401-548 8
