Pas humbjes së pësuar një javë më parë në kryeqytet me Partizanin, volejbollistet e Vllaznisë prezantimin e parë përpara tifozerisë së tyre e patën dje. Përballë kanë pasur një nga ekipet e traditës së këtij sporti si Skënderbeu i Korçës, dy ekipe këto që vite më parë i kanë dhënë tonin volejbollit të femrave, aq më tepër që në stolet përkatëse qëndronin dy ish-volejbolliste të njohura si Sadije Gogaj e Vllaznisë dhe Tatjana Marashi.

Në një farë mënyre, bazuar edhe në ecurinë e kësaj përballjeje, ku, për të përcaktuar fituesin, u deshën të luhen pesë sete, edhe sfida e djeshme u përshkua me të tilla emocione. Shkodranet e nisin mjaft mirë teksa fitojnë setin e parë me rezultatin 25-11, por humbin të dytin 19-25. Vllaznia kundërpërgjigjet teksa fiton setin e trete me shifrat 25-21 dhe me po këtë entuziazëm vijojnë të luajnë edhe në setin e katërt me synim për ta fituar atë dhe të gjithë ndeshjen 3-1.

Por volejbolli i të papriturave, pas një barazimi në pikët e fundit, i sjell fitoren mikeshave me rezultatin 24-26, duke e çuar kështu ndeshjen me set final. Edhe ky set i pestë vijon të luhet me të njëjtin rivalitet dhe emocione si ai i mëparshmi duke shënuar disa barazime në shifra. Duke u treguar më të kujdesshme në fazën finale, volejbollistet korçare arrijnë të shënojnë pikët vendimtare duke e fituar 15-17 dhe të gjithë ndeshjen 2-3.

Vllaznia – Skënderbeu                    2-3

(25-11, 19-25, 25-21, 24-26, 15-17)

Vllaznia: Zhivani, Qershia, Picaku, Koçeku, Petëza, Molla. Trajner: Sadije Goga

Skënderbeu: Beshiri, Thaku, Grabocka, Bego, Qemiraj, Kole / Male, Nastali. Trajnere: Tatjana Marashi

Gjyqtarë: E.    Preka, G. Pishtari (Tiranë)

Kampionati Kombëtar

i Volejbollit – Femra

Grupi A1

Java e dytë

(7 nëntor 2015)

Barleti Volej – Flamurtari    3-0

Teuta – Tirana                      0-3

Vllaznia – Skënderbeu       2-3

Elbasani – Partizani                        1-3

Renditja

Nr.       Skuadra         N.        F.         H.        Setet               Pikë

1. Barleti Volej 2          2          0          6-0                  6
2. Tirana 2          2          0          6-0                  6
3. Partizani 2          2          0          6-1                  6
4. Skënderbeu 2          2          0          6-2                  5
5. Vllaznia 2          0          2          2-6                  1
6. Elbasani 2          0          2          1-6                  0
7. Flamurtari 2          0          2          0-6                  0
8. Teuta 2          0          2          0-6                  0