Shqipëria e Nën-17-vjecarëve e ka mbyllur me fitore “Elitë Raund” zhvilluar në dy qytete, Korçë dhe Pogradec. Fitorja e djeshme 5-1 mund të konsiderohet e thellë për tanët, por që vlen thjesht sa për statistikë, pasi që pas ditës së dytë, me dy humbje radhazi, kuqezinjtë e drejtuar nga Mustedanagiç i kishin thënë lamtumirë kualifikimit për më tej.
Në fakt dje kuqezinjtë e vegjël ishin më të çliruar dhe kanë zhvilluar një ndeshje vërtet të mirë që, nëse do të kishin luajtur në këtë mënyrë edhe ndaj Austrisë, apo Norvegjisë, sot do ta shikonim më lart kombëtaren e 17-vjecarëve. Me lojën e zhvilluar dje në stadiumin “Skënderbeu”, mund të themi pa frikë që Shqipëria duhet të kishte fituar edhe më thellë, duke humbur shumë raste të pastra për shënim.
Në fund të ditës së djeshme dhe me fitoren 5-1, kuqezinjtë janë renditur përfundimisht në vendin e tretë, duke lënë prapa vetëm San Marinon që ishte skuadra më e dobët e grupit. Në takimin tjetër, Austria ka mundur Norvegjinë 2-0, duke marrë kreun e renditjes së grupit, por rezultati ka vetëm rëndësi statistikore, pasi të dyja skuadrat janë kualifikuar për në turin tjetër.
Shqipëri – San Marino 5-1
Shënues: Pepsi 24’, 62’, Dhamo 53’, 73’,
Zeka 70’ / C. Gati 71’
Shqipëria: Selmani, Maloku, Kumanova, Sykaj, Pepsi, Hebaj (Berisha 59’), Kote, Hajrulla (Dhamo 33’), Domi (Zeka 30’), Poçi, Abara. Trajner: Xh. Mustedanagiç.
San Marino: Xhiulianeli (Markoni 66’), Çevoli, Korbeli (Raski 74’), Fortunati, Gasperoni, C. Gati, Xhorxhini, Mikeloti, Mularoni, Kuaranta, Sopranci (F. Gati 50’). Trajner: S. Fioriano.
Gjyqtarë: A. Aleksandrov, T. Samat (Kazakistan), P. Jan (R. Çeke)
Kartonë të verdhë: Hajrulla, Zeka / Karanta, Sopranci
Norvegji – Austri 0-2
Shënues: Jakupoviç 60’, Filipi 64’
Norvegjia: Hog, Braten, Barstad, Sandrakumar, Bredeli, Hanson (Sande 75’), Hou Saeter, Ajer, Helmersen, Antonsen (Gradem 40’+1), Stensbi (Fjellberg 59’). Trajner: E. Jonsen.
Austria: Ehman, Augustin, Skrbiç (Basara 40’), Hojtcinger, Jakupoviç (Shmidt 79’), Opong, Filip, Omeroviç, Helman (Fridrih 40’+1), Prirsh, Lovriç. Trajner: M. Zak
Gjyqtarë: O. Derdo, M. Ços (Ukrainë), Gj. Bori (Shqipëri)
Kartonë të verdhë: Sandrakumar, Ajer, Gradem / Opong
