Federata Shqiptare e Mundjes me president Martin Bibën dhe sekretar të përgjithshëm Ndriçim Spahiu në zbatim të kalendarit vjetor dje ka zhvilluar Kampionatin Kombëtar të Të Rinjve. Një garë e cila është zhvilluar në sallën nr. 2 të Pallatit të Sportit “Asllan Rusi” në kryeqytet, ndërsa ka pasur një pjesëmarrje të bollshme të të gjitha ekipeve në të gjitha grupmoshat.

Në ceremoninë e hapjes, presidenti i Federatës Shqiptare të Mundjes, Martin Biba, i ka uruar suksese të gjithë pjesëmarrësve. Por ndërkohë ka vijuar vlerësimi për figurat e këtij sporti, ndërsa këtë herë me titullin e mirënjohjes “Nderi i Mundjes” janë nderuar Besim Pirani, Pirro Kokalari dhe Marjan Rotani. Ajo që bie në sy, ashtu sikurse ndodhi dhe në kampionatin e kadetëve dhe paratërinjve, përsëri fitues janë Teuta dhe Tirana.

Dy skuadra që vijojnë të mbajnë gjallë traditën e tyre të mundjes në stilin e lirë dhe klasik, kurse sporti i tapetit gjithnjë e më shumë po bëhet masiv. Tashmë radhën e kanë të rriturit, kurse mundja shqiptare, përtej problemeve që ka pasur me bllokimin e fondit nga Ministria e Arsimit dhe Sportit, i ka përmbushur të gjitha detyrimet e saj në zhvillimin e veprimtarive kombëtare e ndërkombëtare.

Madje në këto të fundit ka sjellë dhe medalje, kurse dje në kampionatin e të rinjve dy sportistët më të mirë kanë qenë Omar Lila dhe Ramazan Lami.

Kampionati Kombëtar

i Mundjes – Të Rinj

Rezultatet teknike:

Mundje e lirë

Pesha 50 kg  Oltion Bardhi (Tirana)

Pesha 55 kg  Sure Vrioni (Teuta)

Pesha 60 kg  Eriglent Prizreni (Teuta)

Pesha 66 kg  Orges Lila (Tirana)

Pesha 74 kg  Hans Mara (Teuta)

Pesha 84 kg  Omar Lila (Tirana)

Pesha 96 kg  Paris Karepi (Teuta)

Pesha 120 kg           Eqerem Shega (Vllaznia)

Si ekip: Teuta 26 pikë

Sportisti më i mirë: Omar Lila (Tirana)

Mundje klasike

Pesha 50 kg  Bajram Sina (Tirana)

Pesha 55 kg  Leonardo Frrokaj (Olimpik G)

Pesha 60 kg  Ramazan Lami (Tirana)

Pesha 66 kg  Jurgen Uku (Tirana)

Pesha 74 kg  Kevin Koci (Tirana)

Pesha 84 kg  Boris Frrokaj (Tirana)

Pesha 96 kg  Jurgen Vlashi (Tirana)

Pesha 120 kg           Xhordi Pasha (Tirana)

Si ekip: Tirana 38 pikë

Sportisti më i mirë: Ramazan Lami (Tirana)