Presioni ndaj kreut të renditjes së Kategorisë së Parë të Kampionatit Kombëtar të Basketbollit për Femra, Flamurtari, vjen edhe nga Tirana e trajnerit Erdal Borova që arriti fitoren e katërt në këto 5 javë të para.

Bardheblutë likuiduan dje Elbasanin me rezultatin e përgjithshëm, 86-66 (18-23, 18-10, 32-13, 18-20). Tirana nuk e ka ndalur hapin e saj në basketboll për femra, teksa dje në mesditë ka fituar në Sallën Sportive “Fahrie Hoti” një diferencë prej 20 pikësh.

Mirëpo nisja e bardhebluve nuk ka qenë e mirë, në kushtet kur mikeshat kanë fituar pjesën e parë 18-23. Vetëm pasi kanë bërë kthesën në pjesën e dytë, të cilën e kanë fituar 18-10, dhe sidomos në të tretën, 32-13, janë bindur që janë fituese të kësaj ndeshje.

Sepse rezultati tashmë fliste për ta 68-43. Edhe pse elbasanaset kanë fituar pjesën e katërt 18-20, sërish fitorja është e Tiranës, 86-66, që vazhdon të bëjë gjithçka mirë që nga java e dytë e këtij sezoni.

Tirana – Elbasani                 86-66

(18-23, 18-10, 32-13, 18-20)

Kampionati Kombëtar

i Basketbollit – Femra

Kategoria e Parë

Java e 5-të

(30-31 tetor 2015)

Të premten:

Kamza Basket – Flamurtari                        54-62

Të shtunën:

Tirana – Elbasani                                        86-66

Vllaznia – Goga Basket                              56-75

Skënderbeu – Studenti                              57-72

Renditja

Nr.       Skuadra                     N.        F.         H.        Psh-Pp           Pikë

1. Flamurtari 5          5          0          395-262         10
2. Goga Basket 5          4          1          359-298         9
3. Tirana 5          4          1          352-315         9
4. Vllaznia 5          2          3          321-320         7
5. Skënderbeu 5          2          3          337-350         7
6. Studenti 5          2          3          287-355         7
7. Kamza Basket 5          1          4          204-252         6
8. Elbasani 5          0          5          228-321         5