ASNN – Skënderbeu në volejboll për femra e ka nisur mbarë sezonin e ri 2015-2016, teksa ka mundur pastër 3-0 dje durrsaket në Pallatin e Sportit “Tamara Nikolla”. Edhe pse temperaturat kanë qenë të ulëta kjo nuk ka ndikuar te Skënderbeu, që e mbyll krejt ndeshjen në vetëm 60 minuta lojë.
Seti i parë fillon në barazim deri në pikët 2-2, ndërkohë që më pas frenat e lojës i marrin korçaret që shkojnë në 5-2 dhe 13-7. Diferenca shtohet në 21-14 dhe përfundimisht ky set mbyllet me fitoren 25-14. Seti i dytë fillon mirë për vendaset, që shkëputen deri në 5-1, por durrsaket tregohen më të sakta më tej dhe barazojnë shifrat në 8-8.
Barazimi i fundit ka qenë 12-12, ndërkohë që Skënderbeu nuk fal më tej dhe shkon në 20-14 dhe mbyll setin e dytë 25-19. Seti i tretë dhe i fundit i ndeshjes ka folur krejtësisht për volejbollistet korçare. Vetëm pikën e parë e shënon Teuta, teksa më pas rezultati shkon thellë 15-2 për Skënderbeun.
Pas këtij momenti nuk ka më histori dhe Skënderbeu edhe këtë set e fiton, 25-11. Përfundimisht 3-0 për Skënderbeun, që arrin një fitore me vlera në shtëpi, duke debutuar suksesshëm në nisjen e këtij sezoni me fitore dhe duke premtuar për betejë në luftën për trofe.
Skënderbeu – Teuta 3-0
(25-15, 25-19, 25-11)
Skënderbeu: Kole, Grabocka, E. Bego, N. Shahu, Beshiri, Demiraj, A. Bego (L) / Male, Nasto, Nastaz, Zguri, Kapedani. Trajnere: T. Marash
Teuta: Begiçi, Guza, Zakova, Rexhepi, Avdyli, Saliu, Dervishi (L) / Hoxha, Murja, Çuka, Luli. Trajner: E. Jazenxhi
Gjyqtarë: A. Telo, E. Dusha (Tiranë)
Kampionati Kombëtar
i Volejbollit – Femra
Grupi A1
Java e parë
(31 tetor 2015)
Elbasani – Barleti Volej 0-3
Partizani – Vllaznia 3-0
Skënderbeu – Teuta 3-0
Tirana – Flamurtari 3-0
Renditja
Nr. Skuadra N. F. H. Setet Pikë
- Barleti Volej 1 1 0 3-0 3
- Partizani 1 1 0 3-0 3
- Skënderbeu 1 1 0 3-0 3
- Tirana 1 1 0 3-0 3
- Elbasani 1 0 1 0-3 0
- Flamurtari 1 0 1 0-3 0
- Teuta 1 0 1 0-3 0
- Vllaznia 1 0 1 0-3 0
