ASNN – Java e 4-t e nivelit më të lartë të Kampionatit Kombëtar të Basketbollit për Meshkuj, që njihet si Superliga, që ka nisur të premten me fitoren 80-51 që Kamza Basket ka arritur në shtëpi ndah Flamurtarit, ka vijuar të shtunën në mbrëmje me takimin e Durrësit, Teuta-Partizani dhe supersfidën e kryeqytetit, Tirana-Vllaznia.

Dhe ka ardhur humbja e parë në kampionat për Vllazninë në basketboll për meshkuj, që dje u mposht 73-68 nga Tirana, në sfidën e luajtur në kryeqytet, në Sallën Sportive “Fahrie Hoti”. Një fitore e vështirë, por e merituar e bardhebluve, që konfirmohen kështu si pretendentë për titullin.

Nga ana tjetër, janë shumë të fortë durrsakët në fushën e tyre, duke thyer rivalen e saj të radhës, Partizanin. Me përjashtim të pjesës së tretë, ku humbi 17-23, në tri të tjerat Teuta, e drejtuar nga Xhelal Kalaja, u tregua e gatshme për të përmbushur qëllimin e saj, fitoren.

Të premten, Kamza Basket në basketboll për meshkuj, që drejtohet nga Adem Muhametaj, menjëherë i ka kthyer “reston” vlonjatëve, të cilët i ka mundur me një diferencë pikësh prej 29. Ndërsa femrat vlonjate kishin fituar në Sallën Sportive të Bathores, meshkuj vendas triumfuan ndaj bregdetarëve 80-51.

Kampionati Kombëtar

i Basketbollit – Meshkuj

Superliga

Java e katërt

(30-31 tetor 2015)

Të premten:

Kamza Basket – Flamurtari                        80-51

Të shtunën:

Teuta – Partizani                                          76-67

Tirana – Vllaznia                                          73-68

Renditja

Nr.       Skuadra                     N.        F.         H.        Psh-Pp           Pikë

1. Kamza Basket 4          3          1          310-223         7
2. Vllaznia 4          3          1          286-263         7
3. Tirana 4          3          1          303-291         7
4. Teuta 4          2          2          301-288         6
5. Flamurtari 4          1          3          254-312         5
6. Partizani 4          0          4          230-307         4