ASNN – Pas shumë vonesash dhe problemesh, volejbolli shqiptar tashmë i është rikthyer normalitetit, duke zhvilluar edhe veprimtarinë e parë. Kështu, Barleti Volej për femra dhe Studenti për meshkuj janë fituesit e Kupës së Federatës së Volejbollit, që ka luajtur dje finalet e saj.

Kështu, Barleti Volej dhe Studenti janë fituesit e Kupës së Federatës Shqiptare të Volejbollit për vitin 2015, një trofe që vinte në 70-vjetorin e themelimit të institucionit më të lartë të rrjetës shqiptare. Ndeshja e femrave ka pasur vetëm një kah, sepse Barleti Volej, që drejtohet nga Hasan Gurabardhi, nuk ka lëshuar për asnjë çast.

Ndaj dhe ka fituar pastër 3-0, 25-18, 25-19, 25-19 dhe Barleti Voleji përsërit kështu suksesin e një viti më parë, ndërsa trajneri Gurabardhi ka qenë i kënaqur me fitoren e djeshme. Ndërkohë më emocionuese ka qenë finalja e meshkujve. Në ekuilibër të plotë ka qenë gjithçka që në dy setet e para, kur Studenti ka fituar 26-24, e po me të njëjtën monedhë është përgjigjur Teuta.

Ndërkohë durrsakët kanë fituar setin e tretë thellësisht 15-25. Në të katërtin durrsakët kanë pasur dëshirë ta mbyllin ndeshjen. Por Studenti nuk ka lëshuar pe, teksa ka fituar në shtesë 28-26. I ekuilibruar dhe seti final, të cilën Studenti e ka fituar në pikët shtesë 15-13. Përtej trofeut, trajneri Ylli Tomorri ka qenë i pakënaqur.

Kupa e 70-vjetorit të

Federatës Shqiptare të Volejbollit

Femra

Gjysmëfinalet

(20 tetor 2015)

Tirana – Partizani                3-0

(25-3, 25-6, 25-3)

Barleti Volej – Teuta            3-0

(25-15, 25-13, 25-16)

Finalja

(22 tetor 2015)

Barleti Volej – Tirana           3-0

(25-18, 25-19, 25-19)

Meshkuj

Gjysmëfinalet

(21 tetor 2015)

Tirana – Teuta                      2-3

(13-25, 29-27, 25-21, 27-29, 9-15)

Studenti – Vllaznia              3-2

(25-20, 25-13, 17-25, 18-25, 16-14)

Finalja

(22 tetor 2015)

Studenti – Teuta                  3-2

(26-24, 24-26, 15-25, 28-26, 15-13)