ASNN – Ardhmëria Basket fiton edhe ndeshjen e dytë të sezonitpër kategorinë e parë për meshkuj, këtë herë në fushë të huaj ndaj Skënderbeut, që edhe këtë sezon nuk ka asnjë synim. Një tjetër fitore me 36 pikë diferencë për skuadrën e drejtuar nga trajneri Afrim Bilali, ndërkohë që duhet theksuar se në 40 minutat e djeshme në pallatin e sportit “Tamara Nikolla” miqtë nuk e vunë në asnjë moment në dyshim këtë fitore.
Madje që në pjesdën e parë fillon shkëputja teksa Skënderbeu mundet 9-17. Dhjetë minutat e dyta kanë pasur një barazpeshë, pasi kjo pjesë loje mbyllet 17-18 për miqtë dhe vetëm kaq. Pas pushimit, kryeqytetasit nuk falin, teksa në 30 minuta loje tabela shënon rezultatin 39-56 për Ardhmërinë e udhëhequr nga ish-basketbollisti i mirënjohur, tashmë trajner, Afrim Bilali.
Rezultati thellohet edhe më shumë në pjesën e fundit të ndeshjes, teksa korçarët shënojnë vetëm 4 pikë dhe Ardhmëria 23 pikë. Në fund 43-79, një tjetër fitore me shumë diferencë për skuadrën e re që duket se në këtë sezon në kategorinë e parë të kampionatit të basketbollit do të ketë për rival Superiorin. Nga ana tjetër për të ardhur keq për Skënderbeun, ekipin më të dobët të shumë dekadave që kanë parë ndonjëherë korçarët në Pallatin e tyre të Sportit.
Skënderbeu – Ardhmëria Basket 43-79
(9-17, 17-18, 13-21, 4-23)
Skënderbeu: Bala, Gj. Nika, Terolli, Simaku, Habip / Topi, Duci, Stoçeni, J. Kristo, I. Kristo, Qazimllari. Trajner: I. Nika
Ardhmëria Basket: Allaraj, Beliu, Brari, Çelmeta, Fjolla / Ferra, Gjoka, Hoxha, Kasëmi, Merkaj, Qehajaj, Rakaj, Shahini. Trajner: A. Bilali
Gjyqtarë: G. Hoxha, A. Bejko (Tiranë)
Kampionati Kombëtar
i Basketbollit – Meshkuj
Kategoria e Parë
Java e 3-të
(17 tetor 2015)
Superior Klima – Elbasani 68-61
Skënderbeu – Ardhmëria Basket 43-79
Tirana Eagles Pushim
Renditja
Nr. Skuadra N. F. H. Psh-Pp Pikë
- Superior Klima 3 3 0 216-132 6
- Ardhmëria Basket 2 2 0 163-76 4
- Elbasani 2 1 1 148-125 3
- Skënderbeu 3 0 3 131-246 3
- Tirana Eagles 2 0 2 73-152 2
