ASNN – Besart Berisha sërish vendimtar në Australi. Sulmuesi shqiptar shënoi golin e fitores në derbin e qytetit të Melbërnit, ku skuadra e tij siguroi fitoren e parë sezonale në kampionat në minutën e fundit të takimit.
Melburn Viktori, që në javën e parë kishte siguruar një barazim, arriti të imponohej me një ndeshje spektakolare kundër kushërinjve të Melburn Sitit, duke u konfirmuar skuadra e momentit pas suksesit 3-2 në javën e dytë.
Golin e parë për vendasit kampionë në fuqi e shënoi Ben Khalfalah në pjesën e parë, ndërsa Barbaroses dyfishoi në të dytën. Megjithatë, Siti barazoi me dy gola të shpejtë në minutat 69 dhe 71. Por Berisha bëri diferencën në minutat e fundit duke shënuar golin e fitores.
