ASNN – Janë luajtur dje 3 nga ndeshjet e javës së 3-të të Kampionatit Kombëtar të Basketbollit për Femra, përveç ndeshjes, Kamza Basket-Elbasani, që nuk u zhvillua për shkak të aksidentimit , fatmirësisht pa pasoja serioze, të ekipit mik.

Tre fitore në tre javë dhe Flamurtari i basketbollit të femrave, kampione në fuqi, duket se nuk njeh rival as këtë sezon. Pasi ka mundur Elbasanin në Vlorë dhe Goga Basket në Durrës, dje ka mundur me shumë lehtësi Studentin 92-51.

Ndërkaq, Goga Basket ka ndalur Skënderbeun në Korçë. Llazari, sërish për rekord shënon 35 pikë, por nuk ndihmon dot skuadrën në fitoren e 3-të radhazi. Skuadra mike ka arritur një fitore të rëndësishme, që ka ardhur pikërisht në 2 minutat e fundit të lojës.

Ndërkohë, Vllaznia ka pësuar humbjen e dytë në këtë fillim sezon, duke u mundur 69-77 në përballjen me Tiranën. Protagoniste e ndeshjes ishte Rezarta Hoxhaj, e cila realizoi 22 pikë, duke kontribuar mjaft për skuadrën te triumfi.

Kampionati Kombëtar

i Basketbollit – Femra

Java e 3-të

(17 tetor 2015)

Kamza Basket – Elbasani  (nuk u zhvillua)

Flamurtari – Studenti                      92-51

Vllaznia – Tirana                              69-77

Skënderbeu – Goga Basket           70-78

Renditja

Nr.       Skuadra                     N.        F.         H.        Psh-Pp                       Pikë

1. Flamurtari             3          3          0          244-145                     6
2. Skënderbeu             3          2          1          217-189                     5
3. Goga Basket 3          2          1          213-188                     5
4. Tirana             3          2          1          198-187                     5
5. Vllaznia             3          1          2          186-182                     4
6. Studenti             3          1          2          153-230                     4
7. Kamza Basket 2          0          2          96-129                      2
8. Elbasani             2          0          2          99-156                      2