ASNN – Ndërkohë që ai meshkujve ka javë që ka nisur, këtë fundjavë fillon edicioni i ri, 2015-2016, i Superligës së Kosovës në Basketboll për Femra.

Për këtë qëllim, organizmi që qeveris basketbollin kosovar, Federata e Basketbollit të Kosovë (FBK), ka publikuar edhe ndeshjet e parë të Superligës së Femrave.

Në këtë edicion, Penza pritet që të rivalizojë kampionen në fuqi, Prishtinën, e cila ka mbetur pa disa basketbolliste kyçe.

Ndërsa në këtë sezon Penza është përforcuar, duke marrë parasysh se kjo skuadër do të garojë edhe në Ligën Rajonale “WBFAL” (Liga e Basketbollit të Femrave “Miqësia e Adriatikut”).

Megjithatë bardhekaltrat edhe sivjet pritet ta bëjnë maksimumin për ta pasur fjalën kryesore në basketbollin femëror në Kosovë.

Superliga e Kosovës

Basketboll – Femra

Java e parë:

Të shtunën:

Kastrioti – Rahoveci                                    (12:00)

Vllaznimi – Prishtina                       (15:00)

Të dielën:

Kosova – Drita                                  (13:00)

Bashkimi – Golden Eagle Ylli        (13:00)

Penza – Trepça                                (14:00)