Dje në mesditë, në Fier, është mbyllur Rrethi i 71-të Çiklistik i Shqipërisë, ndërsa Marko Stankoviç dhe Apolonia janë fitues të tij. Madje dhe në etapën Përmet-Fier, serbi i Novi Pazarit ka qenë fitues, ka qenë fitues. Pas tij kanë ardhur dhe Sota e Petrovski. Në Fier të gjithë fituesit janë nderuar nga presidenti i Federatës Shqiptare të Çiklizmit, Skënder Anxhaku, dhe kryetari i Bashkisë së Qytetit, Baftjar Zeqo.

Duhet theksuar se çiklizmi dhe rrethi i tij është sponsorizuar nga shtatë Bashki, ajo e Tiranës, Shkodër, Durrës, Fier, Vlorë, Përmet dhe Burrel. Pa harruar dhe kontributin e Ministrisë së Arsimit dhe Sportit e Komitetit Olimpik Kombëtar Shqiptar. Po pse jo dhe të policisë së shtetit, sidomos asaj rrugore, e cila ka bërë të mundur zhvillimin normal të Rrethit të 71-të Çiklistik të Shqipërisë.

Ndërkohë dje zëvendëspresidentja e Federatës Shqiptare të Çiklizmit, Elda Gjoka, ka qenë për vizitë në shtëpinë e çiklistit elbasanas, Klinti Grembi, i cili u aksidentua gjatë etapës së dytë, Shkodër-Burrel. Përfundimisht Rrethi i 71-të Çiklistik i Shqipërisë është mbyllur në mënyrë spektakolare.

Rrethi i 71-të Çiklistik i Shqipërisë

Fituesit e etapës së 6-të

Përmet-Fier (125 kilometra)

1) Marko Stankoviç (Novi Pazar)               2h34’01”

2) Krisel Sota (Apolonia)                            2h34’02”

3) Stefan Petrovski (Velo-Kumanovë)     2h34’03”

Renditja e përgjithshme ekipore

1) Apolonia                                       53h40’42”

2) Novi Pazar                                    53h47’35”

3) Teuta                                             55h00’06”

Renditja e përgjithshme individuale

1) Marko Stankoviç (Novi Pazar)

2) Hyrmet Kastrati (Teuta)

3) Paolo Braka (Apolonia)

4) Antonio Shqau (Elbasan)

5) Nikolla Xhukiç (Velo-Kumanovë)

6) Olsian Veliaj (Tiranë)