ASNN – Përfaqësuesja serbe është e motivuar për një fitore në Elbasan Arena. Trajneri i ekipit, Radovan Çurciç, sqaron se lojtarët janë të motivuar dhe do të luajnë për fitore, përballë skuadrës shqiptare që ka mbërritur në këtë pikë me meritë. “E kam në mendje ekipin që do të hedh në fushë dhe nuk dua të humbas energji me gjëra të tjera”, – ka deklaruar ai duke folur gjatë konferencës për shtyp të mbajtur në Tiranë.
“Ekipi shqiptar është me meritë aty ku ndodhet dhe mund të them që është një ekip shumë kompakt, por ne do të luajmë për fitore, pasi lojtarët janë të motivuar më shumë se në takimin me Armeninë ku stadiumi ishte bosh”, – ka shtuar trajneri serb. Ndërkaq, kapiteni i Serbisë, Branisllav Ivanoviç e di mirë që kjo ndeshje nuk shikohet vetëm në aspektin sportiv, por dëshiron vetëm të luajë.
“E dimë se kjo ndeshje e kalon aspektin sportiv, por ne do të jemi të përqendruar te loja, pasi duam të vetëm të luajmë futboll, – ka thënë futbollisti i Çellsit në Premier Ligën Angleze. – Jemi të motivuar për të kërkuar fitoren. Serbia është jashtë garës për një vend në fazën finale e Evropianit, por për këtë ekip suksesi është i rëndësishëm për të ardhmen, për Eliminatoret e Botërorit “Rusi 2018”.