ASNN – Fitore e lehtë dhe pa shumë mundim për Flamurtarin në basketboll për femra ndaj një Elbasani që thuajse nuk ka bërë fare rezistencë. Loja nis e shpejtë për Flamurtarin, që shkëputet që në fillim, ndërsa pjesën e parë e ka mbyllur në epërsi, 21-13.
Por edhe në 10 minutat e dyta vijon supremacia e Flamurtarit, që thellon edhe më shumë diferencën përballë Elbasanit, duke e çuar rezultatin në pushim të dy pjesëve në shifrat e thella 49-27. Kësisoj, Flamurtari nis e aktivizon edhe lojtaret me të reja në moshë.
Por edhe në pjesën e tretë sërish vlonjatet tregojnë se jo më kot edhe këtë sezon kërkojnë titullin. Mbyllet pjesa e tretë në rezultatin 69-34, ndërsa në 10 minutat e fundit Toska hedh në fushë vetëm vajzat e reja. Është një pjesë loje që luhet për statistikë, ndërsa në fund 81-47 për Flamurtarin.
Flamurtari – Elbasani 81-47
(21-13, 28-14, 20-7, 12-13)
Flamurtari: Myrto, Zykaj, Palko, Rrapaj, Hysaj, Bleta / K. Hasanaj, Lloji, Plasa, Kostallari, D. Hasanaj, Kasaj. Trajner: V. Toska
Elbasani: Ahmetaj, Gjata, Karaj, Qosja, Rusta / Selko, V. Sylenji, M. Sylenji, Shabani, Vyshka, Xhyra, Zenuni. Trajner: E. Xhyra
Gjyqtarë: E. Koçi, F. Jaçe (Tiranë)
