ASNN – Të shtunën është luajtur edhe java e parë e Kampionatit Kombëtar të Volejbollit për Femra, ku këtë sezon marrin pjesë 8 skuadra, e më konkretisht Skënderbeu, Vllaznia, Flamurtari, Partizani, Tirana, Studenti, Teuta dhe Barleti Volej, që është në fakt kampionia e sezonit të shkuar, UMB Volej, tashmë me një emër të modifikuar.

Skuadra e trajnerit Hasan Gurabardhi e ka nisur me fitore sezonin e ri, duke triumfuar 3-1 në Durrës përballë Teutës vendase. Nga ana tjetër, edhe nënkampionia e sezonit të shkuar, Partizani, e ka nisur me një fitore këtë kampionat, pasi ka mundur në 3 sete Flamurtarin, në takimin e zhvilluar dje në Vlorë.

Po në 3 sete, Tirana e përforcuar nga veterania Amarilda Prenga, ka mposhtur më kryeqytet Studentin, ndërsa edhe Skënderbeu e ka nisur në mënyrën më të mirë këtë kampionat të ri kombëtar të rrjetës së të rriturave, teksa ka mposhtur dje në Korçë, Vllazninë me rezultatin 3-1.

Kampionati Kombëtar

i Volejbollit – Femra

Java e parë

(11 tetor 2014)

Skënderbeu – Vllaznia                    3-1

Flamurtari – Partizani                       0-3

Tirana – Studenti                              3-0

Teuta – Barleti Volej                         1-3

Renditja

Nr.       Skuadra         N.        F.         H.        Setet               Pikë

1. Partizani 1          1          0          3-0                  3
2. Tirana 1          1          0          3-0                  3
3. Barleti Volej 1          1          0          3-1                  3
4. Skënderbeu 1          1          0          3-1                  3
5. Teuta 1          0          1          1-3                  0
6. Vllaznia 1          0          1          1-3                  0
7. Flamurtari 1          0          1          0-3                  0
8. Studenti 1          0          1          0-3                  0