Italia në volejboll për femra në Kampionatin Evropian, që është duke u zhvilluar në Belgjikë e Holandë, ka arritur fitoren e dytë. Por përsëri me një set të marrë nga kundërshtaret, që këtë herë ishte Sllovenia.

Sllovenia, e cila në dy setet e para është shkëputur deri në 9 e 12 pikë, në të tretin ia ka arritur që të kthejë rezultatin nga 22-24 në 26-24 në favorin e vet. Por të kaltrat nuk lëshojnë më terren dhe pasi janë shkëputur në 8-0 e mbyllin setin e katërt 25-11 dhe të gjithë ndeshjen 3-1.

E ndeshja që do të luhet sot me Holandën në Apeldorn do të sistemojë dhe vendin e parë në grupin A, që do ta dërgojë skuadrën direkt në çerekfinalet e Roterdamit. Humbësja duhet të luajë ndeshje shtesë me të tretën e grupit C.

Rezultatet e ditës së dytë të Evropianit

Grupi A

(Apeldorn – Holandë)

Holandë – Poloni                             3-1

Itali – Slloveni                                   3-1

Grupi B

(Anversë – Belgjikë)

Belgjikë – Azerbajxhan                   3-0

Hungari – Turqi                                0-3

Grupi C

(Roterdam – Holandë)                    

Rusi – Bjellorusi                               3-0

Bullgari – Kroaci                              2-3

Grupi D

(Eid’hoven – Holandë)

Rumani – Gjermani                         1-3

Republika Çeke – Serbi                 0-3