ASNN – Trajneri i Shkëndijës së Tetovës, Shpëtim Duro, ka regjistruar suksese të rëndësishme në këtë start kampionati në ligën e parë maqedonase me klubin tetovar, duke qenë pretendent për titull “kampion”.

Nëse ndodh të realizohet objektivi, atëherë Duro do të jetë i pari trajner shqiptar që fiton një titull jashtë Shqipërisë, natyrisht, pas Besnik Hasit me Anderlehtin. “Ne kemi stabilitet, pasi në radhë të parë kemi një skuadër të mirë”, – ka thënë ai.

“Kampionati është i gjatë, prandaj duhet të respektojmë të gjithë kundërshtarët. Duhet të jemi të përqendruar sepse nëse duam të fitojmë kampionatin duhet të vlerësojmë dhe respektojmë çdo kundërshtar”, – tha Duro.

Sfidën e radhës Shkëndija e Tetovës do ta ketë ndaj Sileksit.