Spanja shpallet “kampione” e Evropës, shkërmoqet pretendentja Lituania. Skariolo merr të tretën e tij të artë si trajner, kurse iberikët janë për herë të tretë fituesit e këtij kampionati. Në vendin e tretë Franca, që ka mundur Serbinë. Spanja “kampione” e Evropës është çudi për të gjithë, aq më tepër që në fazën e grupit ishte mundur nga Italia në Berlin, 98-105.
Mirëpo shkallë pas shkalle dhe Spanja e Gasolit ka qenë fituese. E ka nisur shpejt ndeshjen, teksa organizatori Lulu, Miroviç, Fernandez e Gasol arrijnë ta mbyllin pjesën e parë 19-8. Pjesa e dytë është e ekuilibruar. Diferenca më e madhe që është shkëputur Spanja ka qenë 37-22. Por Lituania godet me 3-pikësha dhe afrohet 37-29. Madje në sekondat e fundit të pjesës përsëri një tjetër 3-pikësh.
41-33, ndërsa pjesa e dytë është fituar nga lituanezët 22-25. Duket sikur ndeshja po kthehet. Por Spanja është përsëri në skenë. 19-10 pjesa e tretë dhe 60-43. Përfundimi i së katërtës është tashmë një Lituani e dorëzuar dhe një Spanjë që shkon drejt trofeut të saj të tretë. 20-20 dhe 80-63, kurse në sekondat e fundit lituanezët kanë qenë të detyruar t’i shtrëngojnë dorën fituesit.
Ndërkohë në vendin e tretë janë francezët, që kanë fituar 81-63 me Serbinë. Spanja dhe Lituania janë kualifikuar direkt për në Lojërat Olimpike “Rio de Zhaneiro 2016”, kurse Franca, Serbia, Greqia, Italia dhe Çekia do të luajnë një turne paraolimpik për të shkuar në Brazil. Sakaq lojtari më i mirë i ndeshjes ka qenë Po Gasol me 25 pikë dhe 12 topa të rekuperuar në tabelë. Tek Lituania nuk kanë mjaftuar Kalnietis dhe Seibutis, që kanë shënuar secili nga 13 pikë
Spanjë – Lituani 80-63
(19-8, 22-25, 19-10, 20-20)
Spanja: Po Gasol (25), Fernandez (11), Ribas (5), Lul (12), Mirotiç (8) / Rodrigez (4), Rejes (8), Klaver (7), San Emeterio, Aguilar, Vives. Trajner: S. Skariolo
Lituania: Kalnietis (13), Maciulis (8), Seibutis (13), Jankunas (3), Valenciunas (10) / Gailius (1), Sabonis, Kavaliauskas (4), Javtokas, Kuzminskas (8), Milaknis (3), Lekavicius. Trajner: J. Kazlauskas
Gjyqtarë: L. Lamonika (Itali), I. Belosheviç (Serbi), B. Ruzhuk (Ukrainë)
