Nis turi i dytë i Kupës së Botës në volejboll për meshkuj, flet Kolaçi: “T’i fitojmë të gjitha ndeshjet. Kemi zhvilluar një fazë të parë të mirë në Kupën e Botës, por tani duhet të kërkojmë të bëjmë akoma dhe më mirë.”
“Tani na presin ndeshje vendimtare dhe duhet të provojmë t’i fitojmë të gjitha dhe ky nuk mund të jetë objektivi ynë i vetëm”, – ka vijuar volejbollisti italian. Kështu është shprehur lojtari i lirë i Italisë, Masimo Kolaçi, pas mbërritjes së ekipit në Osaka.
Atje Italia do të përballet sot me Iranin dhe më pas me Tunizinë dhe Venezuelën. “Ajo me Iranin është një ndeshje shumë e rëndësishme, do të thoja themelore”, – shpjegon lojtari i të kaltërve.
“Është një ndeshje e vështirë, sepse disa prej lojtarëve të tyre luajnë një volejboll të një niveli shumë të lartë. Por ne kemi cilësinë tonë dhe duam të fitojmë”.

Kupa e Botës
Volejboll – Meshkuj
“Japoni 2015”

Programi i ndeshjeve të ditës së 6-të

Në Osaka:

SHBA – Venezuelë
Itali – Iran
Japoni – Tunizi

Në Tojama:

Egjipt – Argjentinë
Kanada – Poloni
Australi – Rusi