ASNN – Problemet që u vërejtën gjatë ndeshjeve të javës së 3-të të Kategorisë Superiore të Kampionatit Kombëtar të Futbollit kanë qenë në fokus të mbledhjes së sotme të Komisionit të Disiplinës pranë Federatës Shqiptare të Futbollit.
Dy futbollistë, Renato Malota i Kukësit dhe Ardit Hila janë pezulluar me nga 5 ndeshje për goditje të kundërshtarit, zyrtari i Vllaznisë, Ilir Dibra, me 8 ndeshje për hyrje në fushë dhe sjellje josportive, ndërsa Tërbuni dhe Ada e Velipojës janë gjobitur.
Ja procesverbali i plotë i mbledhjes së sotme:
FEDERATA SHQIPTARE E FUTBOLLIT
KOMISIONI I DISIPLINES
PROCESVERBAL
I mbajtur sot me date 15 Shtator 2015, ne mbledhjen e Komisionit te Disiplines se FSHF-se per shqyrtimin e e problemeve disiplinore te konstatuara ne ndeshjet e kategorive te ndryshme te Kampionatit Kombetar te Futbollit dhe per shqyrtimin e kerkesave te paraqitura.
Komisioni pasi u njoh me relacionin e Sekretariatit Teknik, shqyrtoi dokumentacionin e paraqitur, si i diskutoi ceshtjet ne teresi, ne perfundim bazuar dhe ne nenin 78 te KDS.
VENDOSI:
1.Zyrtari i KF “Vllaznia”, Ilir Dibra, per hyrje ne fushen e lojes pa lejen e gjyqtarit dhe sjellje jo sportive ndaj zyrtareve te ndeshjes, denohet me 8(tete) ndeshje pezullim nga aktiviteti, bazuar ne nenin 49/2.a te KDS.
2.Lojtari i KF “Kukesi”, Renato Mallota, per goditje me shkelm ndaj lojtarit kundershtar, denohet me 5(pese) ndeshje pezullim nga aktiviteti, bazuar ne nenin 48/1.e te KDS.
3.Lojtari i KF “Teuta”, Ardit Hila, per goditje me koke ndaj lojtarit kundershtar, denohet me 5(pese) ndeshje pezullim nga aktiviteti, bazuar ne nenin 48/1.e te KDS.
4.KF “Terbuni”, per hedhje te mjeteve ndezese, denohet me gjobe me vlere 30.000(tridhjetemije) leke, bazuar ne nenet 65/1 dhe 66/1 te KDS.
5.KF “Ada Velipoje”, per deshtim ne permbushjen e pergjegjesive, denohet me gjobe me vlere 15.000 (pesembedhjetemije) leke, bazuar ne nenet 65/1 dhe 136/1.a te KDS.
6.Mospranimin e kerkeses se presidentit te ekipit te “Brians” , Gjergji Filipi, per rishikimim e vendimit te Komisionit te Dispilines Sportive.
Kunder vendimit mund te behet ankim brenda 3 (tre) diteve ne Komisionin e Apelit.
