Vendimtar 3-pikëshi i Belinelit dhe Italia ka mundur dhe Gjermaninë, në grupin B të Kampionatit Evropian të Basketbollit për Meshkuj “Eurobasket 2015”, i cili është duke i luajtur ndeshjet në kryeqytetin Berlin. Në fund të 40 minutave është fiksuar rezultati 89-82 dhe nëse të kaltrit sonte do të mundin Serbinë, atëherë për ta do të jetë vendi i parë në grupin B.
Pjesa e parë është e ekuilibruar, por italianët e kanë mbyllur atë nën disavantazhin 22-17. Në të dytën Xhentile korrigjon shënjestrën dhe me trepikëshat e tij ia ka dalë që ta dërgojë Italinë në dhomat e zhveshjes me barazimin 42-42. Por pjesa e tretë është konfuze për skuadrën e Pianixhianit. Ndërsa Gjermania, me Benzing që ka shënuar trepikësh, është në epërsi 60-54.
Në pjesën e katërt zgjohet Italia dhe barazon 63-63, ndërsa gjithçka ka ardhur nga trepikëshi i Belit. Madje janë dy të `tij dhe 69-68 për të kaltrit. Luftohet pikë më pikë, por në sirenën përfundimtare është rezultati 76-76. Në kohë shtesë Aradori rikuperon, Galinari është i pamarkueshëm dhe Belineli super në gjuajtjet e tij, ndërsa Italia ia del të jetë fituese 89-82.
Tashmë sot përballja me Serbinë kryesuese. Po për këtë grup, Serbia ka mposhtur Turqinë, ndërsa Spanja ka fituar ndaj Islandës. Renditjen e këtij grupi e kryeson Serbia, me pikë të plota, 8, pas 4 fitoresh, e ndjekura nga Italia, me një pikë më pak
Kampionati Evropian
i Basketbollit – Meshkuj
“Eurobasket 2015”
Rezultatet teknike të ditës së katërt:
Grupi A
(Montpelje – Francë)
Bosnjë-Hercegovinë – Finlandë 59-88
Poloni – Izrael 73-75
Rusi – Francë 67-74
Grupi B
(Berlin – Gjermani)
Turqi – Serbi 72-91
Gjermani – Itali 82-89 (me shtesë)
Islandë – Spanjë 73-99
Grupi C
(Zagreb – Kroaci)
Greqi – Slloveni 83-72
Maqedoni – Gjeorgji 75-90
Holandë – Kroaci 72-78
Grupi D
(Riga – Letoni)
Belgjikë – Republika Çeke 64-66
Letoni – Ukrainë 74-75
Lituani – Estoni 64-62
