Bruna Tuzi duket se e ka lënë fitoren e titullit “kampion” në shah për femra në metrat e fundit. Sepse dje edhe duke qenë pushim, ndërsa në duelin mes motrave Shabanaj ka fituar Alda, është në vendin e parë duke qenë vetëm gjysmë pike diferencë me vendin e dytë.

E thënë ndryshe, pas tetë turesh, Tuzi ka 6 pikë dhe Alda Shabanaj 5.5 pikë. Sot në raundin e fundit Tuzi do të përballet me një nga më të njohurat dhe më të spikaturat e shahut shqiptar, Rozana Gjergji, kurse Alda Shabanaj ka duelin e saj me Klean Shuqjan.

Në letër dueli i Shabanajt është më i lehtë, ndërsa Tuzit nuk i mjafton barazimi. Sepse që të shpallet kampion duhet të fitojë me Rozana Gjergjin. Pra një finale e jashtëzakonshme e femrave. Për meshkuj dje ka pushuar Ashiku dhe Seitaj, pasi ka fituar me Bushin është ngjitur në krye.

Dhe aktualisht Seitaj ka 7 pikë, Ashiku 6.5 pikë dhe Mehmeti 6 pikë. Që do të thotë se edhe për meshkuj titulli “kampion” do të vuloset në turin e fundit.

Kampionati Kombëtar Individual i Shahut 2015

Femra

Rezultatet teknike të turit të 8-të

Gjergji – O. Shqau                           1-0

E. Shqau – Kërçiku 0-1

Caka – Shuqja                                 0.5-0.5

A. Shabanaj – E. Shabanaj 1-0

Tuzi                                                    pushim

Meshkuj

Rezultatet teknike të turit të 9-të:

Pasku – Paci                                    0.5-0.5

Miço – Mehmeti                    0-1

Bushi – Seitaj                       0-1

Rama – Beqiri                       0.5-0.5

Disha – Bregu                      0-1

Ashiku                                   pushim