ASNN – Sfida midis Shqipërisë dhe Portugalisë vazhdon edhe sonte, por, këtë radhë, në fushën e blertë të Stadiumit Kombëtar “Qemal Stafa” në kryeqytet do përballen me njëra-tjetrën përfaqësueset e Nën-21-vjeçarëve. Të besuarit e trajnerit Redi Jupit vijnë në këtë ndeshje pas barazimit heroik me 10 veta përballë Izraelit dhe pas fitores së ndeshjes së parë me Lihtenshteinin, kur në stol ishte Skënder Gega.
Kjo ndeshje do të sillet për sportdashësit drejtpërdrejt dhe ekskluzivisht nga Rrjeti i Radio-Televizionit Shqiptar, duke nisur nga ora 18:00. Shqipëria dhe Portugalia do të ndeshen edhe një herë tjetër sonte, por, këtë radhë, në fushën e blertë të Stadiumit Kombëtar “Qemal Stafa” në kryeqytet do përballen me njëra-tjetrën përfaqësueset e Nën-21-vjeçarëve.
Të besuarit e trajnerit Redi Jupit vijnë në këtë ndeshje pas barazimit heroik me dhjetë veta përballë Izraelit dhe pas fitores së ndeshjes së parë me Lihtenshteinin, kur në stol ishte Skënder Gega. Ndërkohë, sfida e sotme, që do të luhet në Stadiumin Kombëtar “Qemal Stafa” në orën 18:00 është e para për këtë edicion të Eliminatoreve për Portugalinë.
Skuadra, e drejtuar nga Rui Horge, ka mbërritur tonë së bashku me Kombëtaren A dhe, prej dy ditësh, përgatitet në vendin tonë. Ndeshja e Grupit të 4-t eliminator është e rëndësishme për kuqezinjtë, në mënyrë që të ruajnë ecurinë pozitive, edhe kur përballë do të kenë një ekip mjaft cilësor si Portugalia. Kjo e fundit është nënkampione e Evropës për këtë grupmoshë.
Në këtë sfidë, Jupi do të ketë mungesat e Rei Manajt, i dëmtuar në ndeshjen kundër Izraelit dhe që i është dashur të udhëtojë drejt Italisë, si dhe të Albion Avdiajt që u ndëshkua me karton të kuq. Megjithatë, lojtarët cilësorë nuk mungojnë në ekipin Shpresa dhe mundësitë e tyre janë që të shkojnë larg.