ASNN – Duket se mesfushori anësor shqiptar me tipare sulmuese i Mançester Junajtid, Adnan Januzaj, nuk do të largohet nga “Olld Traford”-i. Kjo sepse, përkundër spekulimeve të shumta, ai është në planet e trajnerit Luis Van Gal dhe nuk do të largohet nga “Teatri i Ëndrrave”.
Këtë e ka pranuar vetë trajneri holandez që ka thënë se skuadra e “Djajve të kuq” nuk po kërkon të blejë sulmues, pasi ajo tashmë i kanë lojtarët për këtë sektor, siç është Runi, Hernandezi, Januzaj dhe Uillsoni. “Ne kemi mjaft sulmues, si janë Runi, Hernandezi, Januzaj dhe Uillsoni”, – tha holandezi.
“Një sulmues nuk është synimi jonë special për këtë verë. Sidoqoftë, nëse na jepet rasti për të blerë ndonjë sulmues me cilësi më të mira sesa lojtarët që kemi në skuadër, atëherë ne do ta bëjmë një gjë të tillë”, – ka deklaruar 64-vjeçari holandez i stolit të gjigantes britanike.
