ASNN – Pesë ndeshje, asnjë humbje dhe vetëm dy gola të pësuar. Ky është bilanci i RNK Splitit në kampionatin kroat në sezonin e ri. Të premten në mbrëmje, RNK Spliti mposhti bindshëm 3-0 NK Zagrebin, duke dominuar dhe duke marrë fitoren që e shkëput përkohësisht në krye, 3 pikë para Dinamo Zagrebit.
Si zakonisht, ka qenë titullar Amir Rrahmani, që po shkëlqen në Kroaci. Qendërmbrojtësi 21-vjeçar ka habitur të gjithë, sepse në verë u afrua pa zhurmë nga Partizani dhe pakkush e priste që të bëhej kaq shpejt i rëndësishëm në Split. Nëse RNK Spliti ka mbrojtjen më të mirë në Kroaci për momentin, meritë ka edhe shtatlarti.
