ASNN – Kukësi u ndëshkua nga UEFA me humbje 0-3 në tavolinë të ndeshjes së Ligës së Evropës ndaj Legias së Varshavës në Tiranë, dhe po ashtu duhet të paguajë një gjobë dhe të luajë dy ndeshjet evropiane të radhës, në fushën e tij, pa tifozë. I menjëhershëm reagimi I presidentit të Kukësit, Safet Gjici, i cili e quajti të skajshëm vendimin e UEFA-s. Numri një i klubit kukësian kishte pritur një ndëshkim më të lehtë për ekipin e tij.
Përsa i përket të ardhmes, Gjici, shprehet se ende nuk ka vendosur asgjë. Ai do të presë përfundimin e ndeshjes së kthimit në Poloni, që do të zhvillohet këtë të enjte, për të përcaktuar se çfarë do të bëjë, do të vazhdojë te Kukësi, apo do të largohet për të shkuar ndoshta tek Vllaznia e Shkodrës. Gjoba është 70 000 euro dhe të gjithë këta vendime u morën nga Komisioni i Disiplinës në UEFA.
Sidoqoftë, ekzistonte frika se Kukësi mund të përjashtohej nga vazhdimi i mëtejshëm në Evropë këtë sezon, apo ndoshta edhe për sezonin pasardhës. Përballja në “Qemal Stafa”, Kukësi-Legia, e vlefshme për turin e tretë eliminator të Ligës së Evropës, u ndërpre në minutën e 52-të, pasi një lojtar i skuadrës polake u godit në kokë me një send të fortë, kur rezultati ishte 2-1 për skuadrën mike.
Pra, nuk ka përjashtim nga Evropa, por gjithsesi ka dënim. Komisioni i Disiplinës në UEFA nuk e ka falur Kukësin për incidentet e 30 korrikut 2015 në Stadiumin Kombëtar “Qemal Stafa”. Nënkampionët e Shqipërisë janë dënuar me humbjen e ndeshjes në tavolinë dhe 70 mijë euro gjobë. Si të mos mjaftonte kjo skuadra veriore nëse vazhdon aventurën në Kupat e Europës do të luajë edhe dy takime pa tifozë.
UEFA nuk ka marrë parasysh pretendimet e Kukësit duke u dhënë një epërsi të madhe polakëve me fitoren 3 me 0 në tavolinë. Ndeshja Kukësi-Legia e luajtur me 30 korrik, u ndërpre në minutën e 52-të të pjesës së dytë, pasi lojtari polak Duda u qëllua në kokë me sende të forta. Akuzat e UEFA-s per Kukësin janë hedhje e sendeve të forta dhe fishekzjarreve në fushë nga tifozët dhe banderola raciste në shkallët e stadiumit.
Ndeshja u pezullua kur rezultati ishte 1-2 në favor të Legias së Varshavës. Për shkak të incidenteve te ndodhura gjate takimit ekzistonte frika se Kukësi mund të përjashtohej nga Liga Europës këtë sezon, apo ndoshta edhe për sezonin pasardhës. Dënimi i dhënë i lejon skuadrës kuksiane të udhëtojë të enjten drejt Varshavës, për ndeshjen e kthimit ndaj Legias së Varshavës, e vlefshme për turin e tretë të Europa League. Kualifikimi duket i vështirë, por jo i pamundur.
