ASNN – Kapiteni i Brazilit, Nejmar, e ka paralajmëruar Barcelonën se dëshiron të jetë pjesë e Lojërave Olimpike me Brazilin në “Rio 2016” dhe edicionit të njëqindvjetorit të Kampioanatit Amerikanolatin të Futbollit, që njihet si “Copa America”, raporton “Goal.com”. “Vërtet dua të luaj, si në Olimpiadë, ashtu dhe në “Copa America”, – ka deklaruar braziliani. – Jam i uritur dhe dua të sqaroj që tani se dua të luaj në të dyja këto veprimtari.”
“E dimë se sa e vështirë do të jetë, si në shtëpi ashtu edhe jashtë saj, – vijoi Nejmari. – Në Brazil do të jemi nën presion, që është normale. Por larg shtëpisë, tifozët do të presin prej nesh.” Lojërat Olimpike do mbahen në Brazil dhe “Copa America” do zhvillohet në Amerikë. Kurse më tutje ylli i Barcelonës ka shtuar se Brazili ka një përfaqësueses të fortë dhe se nuk varet gjithçka tek ai. “Ata që thonë se Brazili është vetëm unë, nuk e kuptojnë futbollin”, – ka theksuar ai.
“Jam me fat që kam bashkë lojtar të shkëlqyer që më ndihmojnë të shkëlqejë për kombëtaren. Mendoj se Brazili ka një ekip fantastik, një gjeneratë e re që nëse punojmë shumë ne mund të arrijmë gjëra të mëdha në të ardhmen”, – përfundoi Nejmari. Edhe më herët, Nejmari është kritikuar për sjelljen e tij në përfaqësuesen e Brazilit, por ai vetë është mbrojtur dhe justifikuar, ndërkohë që është modest edhe kur e mbivlerësojnë, duke thënë se Brazili ka lojtarë të mëdhenj në vazhdimësi.
