ASNN – Numri i futbollistëve të huaj në fushën e lojës për sezonin e ri të Kategorisë Superiore nuk do të ndryshojë.

FSHF nuk është lëkundur në vendimin e marrë verën e kaluar për të reduktuar në 4 numrin e të huajve në fushë, pavarësisht presionit apo kërkesës së disa klubeve për ta çuar në 6 numrin e tyre.

Kështu, edhe sezonin e ardhshëm do të ketë 4 lojtarë të huaj njëkohësisht në fushën e lojës, pavarësisht se mund të aktivizohen më shumë gjatë një ndeshjeje.

Kanë qenë disa prej klubeve kryesore në vend ato që kishin shprehur dëshirën për rritjen e numrit të të huajve në fushë, me Tiranën dhe Flamurtarin të cilët prisnin një përgjigje pozitive, por FSHF refuzoi.