ASNN – Të premten rreth mesditës në mjediset e Federatës Shqiptare të Futbollit do të hidhet shorti i kalendarit të ndeshjeve të Kategorisë Superiore për edicionin sportiv 2015-2016, ku në prani të zyrtarëve të FSHF-së do të mundësohet kalendari i ndeshjeve të sezonit të ardhshëm.

Të pranishëm pritet të jenë edhe presidentët e klubeve të Kategorisë Superiore, ose përfaqësuesit e tyre, të cilët do të njihen me rivalët dhe njëkohësisht do të projektojë ambiciet e tyre në kampionatin numër 77 të futbollit në Shqipëri.

Në kampionatin e ri formula e garës nuk do të ndryshojë, pra do të jetë një kampionat me dhjetë skuadra e katër faza, njëlloj me këtë që lamë pas.