ASNN – Besëlidhja ka vuajtur ndaj Adës në ndeshjen e zhvilluar në Pukë, por gjithsesi ia ka dalë të marrë 3 pikët e plota, falë një goli të Julian Malos. Takimi i zhvilluar në stadiumin “Ismail Xhemali” të Pukës ka përmbyllur dhe javën e dytë të Kategorisë së Parë të Kampionatit Kombëtar të Futbollit. Lezhjanët i janë falur Malos ndaj velipojakëve, duke marrë kështu tri pikët.

Ndeshja ka nisur vrullshëm për Adën, e cila në minutën e 7-të rrezikon me anë të sulmuesit Gjini, por portieri Rexhepi nuk lejon prekjen e rrjetës. Kundërpërgjigjen miqtë në të 17-n, ku Gruda dhe Marashi i kishin të gjitha mundësitë për të kaluar në epërsi, por portieri i Adës i thotë “jo” golit. 45 minutat e para mbyllen me rrjeta të paprekura, ndërsa në të dytën, të dy trajnerët bënë zëvendësimet e tyre dhe, për këtë arsye, pjesa e dytë ishte më e mirë se ajo e para.

Rastet e lezhjanëve do të konkretizoheshin në minutën e 80-të, kur nga një kundërsulm nga mesi i fushës, Malo merr një top të bukur nga Muçollari, futet brenda zonës dhe duke përfituar nga hutimi i lojtarëve velipojakë, nuk e ka të vështirë të përshëndesë rrjetën. Në minutat e mbetura nuk ka më histori, Besëlidhja merr tri pikët duke u pozicionuar në krye, ndërsa Ada pëson humbjen e dytë në po kaq javë, duke mbetur kështu në kuotën e zero pikëve.

ADA VELIPOJË – BESËLIDHJA   0-1

Shënues: Malo 80′

ADA VELIPOJË: Dorzaj, Caku, Pllumaj (Kukaj 67′), B.Çokaj, Murati, Hila, Proda, Kiri, Gjini, Ferhati (Tota 84′), D.Çokaj. Trajner: B. Duli

BESËLIDHJA: Rexhepi, Shytani, Jakupi, Begaj, Raci Gjokeja (Allamani 70′), Mehja (Dordoviç 57′), Muçollari, Gruda (Lini 65′), Marashi, Malo. Trajner: S. Bardhi

GJYQTARË: A. Paço, I. Llupi A. Konomi

KARTONË TË VERDHË: Jakupi 40′, Muçollari 89′

Kategoria e Parë

Grupi A

Java e dytë

(4-5 tetor 2014)

Të shtunën:

Mamurrasi – Burreli             (nuk u zhvillua)

Gjyqtarë: E. Dyrmishi, F. Mata, E. Potomi

Fusha Sportive “Adriatik”, Mamurras

Kastrioti – Besa                                1-1

Shënues: Cali 48′ / Çelhaka 9′

Gjyqtarë: F. Xhemalaj, E. Bodeci, E. Sinanaj

Stadiumi “Kastrioti”, Krujë

Tërbuni – Kamza                             1-0

Shënues: Lekaj 8′

Gjyqtarë: O. Ferataj, E. Pashaj, S. Hanaj

Stadiumi “Ismail Xhemali”, Pukë

Veleçiku – Iliria Fushë-Krujë         1-0

Shënues: Banushaj 68′

Gjyqtarë: E. Zhuli, D. Agaraj, R. Shaba

Stadiumi “Besa”, Kavajë

Dje:

Ada Velipojë – Besëlidhja              0-1

Shënues: Malo 80′

Gjyqtarë: A. Paço, I. Llupi, A. Konomi

Stadiumi “Ismail Xhemali”, Pukë

Renditja

Nr.       Skuadra                     N.        F.         B.        H.        Gsh-Gp          Pikë

1. Veleçiku 2          2          0          0          4-0                  6
2. Besëlidhja 2          2          0          0          2-0                  6
3. Tërbuni 2          1          1          0          2-1                  4
4. Mamurrasi 1          1          0          0          2-0                  3
5. Iliria Fushë-Krujë 2          1          0          1          2-1                  3
6. Besa 2          0          2          0          2-2                  2
7. Kastrioti 2          0          1          1          1-3                  1
8. Burreli 1          0          0          1          0-1                  0
9. Ada Velipojë 2          0          0          2          0-3                  0
10. Kamza 2          0          0          2          0-4                  0

Shënuesit më të mirë:

1 gol: Doçi, Ajazi (Iliria Fushë-Krujë); Karapici, Lala (Mamurrasi); Jakupi, Malo (Besëlidhja); Sallaku, Çelhaka (Besa); Tafa. Lekaj (Tërbuni); Tali (Kastrioti); Banushaj (Veleçiku)