ASNN – Lojtarët e Kombëtares tonë kuqezi janë në qendër të vëmendjes në merkaton e verës.

Rezultatet e mira të përfaqësueses, por edhe suksesi me skuadrat e tyre u kanë dhënë përparësi për të qenë në një nivel më të lartë dhe në klube më cilësore se sa luajnë aktualisht.

Kështu, mesfushori kosovar Migjen Basha është ndjekur nga afër nga menaxherët e skuadrës franceze, Lilë.

“Agjentët e klubit të Lilës kanë qenë të pranishëm në ndeshjen miqësore, që Shqipëria e fitoi ndaj Francës”, – shkruajnë mediat franceze.

Ndeshja u zhvillua të shtunën në “Elbasan Arena”, dhe u fitua nga Shqipëria me rezultatin 1-0.